[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’TRAK NAGBALISKAD, 1 PATAY ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Thursday, February 9, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Naglawig sang pito ka oras antes nakuha ang drayber nga naipit sa manibela sang nakabunggo ang trak sa duha ka konkreto nga poste kag duha ka puno sang lubi antes nahulog sa pil-as sa Barangay Maribong, Lambunao, Iloilo pasado alas-dos sang kaagahon kahapon.
Wala na sang kabuhi sang nakuha takna alas-9:30 sang aga ang drayber nga si Raymond Tejada sang Cabatuan, Iloilo halin sa ginamaneho sini nga 10-wheeler truck.
Sa interbyu sang Panay Balita kay Chief Inspector Dennis Pamonag, hepe sang Lambunao Municipal Police Station (MPS), ginhulat pa nila nga mag-abot sa Lambunao ang mga rescuers halin sa syudad para magkuha sa biktima sa sulod sang trak nga nagkaya gid.
Nagupi ang ulo sang trak rason nga naipit ang drayber kag nagkinanglan pa ang mga pulis sang bulig halin sa Philippine National Red Cross kag nag-gamit sang cutter sa trak.
Nahibaluan nga halin sa Pavia, Iloilo ang trak pero pag-abot sa likuon nga bahin sa Brgy. Maribong, wala dayon makabig sang drayber ang manibela rason nga nahulog sa shoulder sang dalan nga medyo mapil-as.
“Ang trak bale iya ni sang 3S Logistics Services dira sa Pavia, Iloilo. May karga ini sia nga scrap iron halin dira. Around 2 a.m. pag-agi ya diri sa Brgy. Maribong kay likuon ini sia kag accident prone area, wala ya makabig dayon ang manibela rason nga nahulog sia sa shoulder sang road kag medyo pil-as,” eksplikar ni Pamonag.
Nadiskubrehan pa nga naka-inom na ang drayber paghalin nila sa Pavia sandig man sa alegasyon sang iya duha ka upod nga sanday Ignacio Flores, 26, sang Brgy. Duran, Dumalag Capiz, nga may bali sa tiil kag kamot kag Richard Valenzuela Sepeda sang Brgy. Gebio-an, Tapaz, Capiz nga may samad sa lawas rason nga ginpangdala sa Western Visayas Medical Center.
Antes man mahulog ang trak sa pil-as, nagbunggo sila sa duha ka konkreto nga poste sang koryente kag duha ka puno sang lubi kon sa diin lunsay gid nadala ini sang trak sa idalom.
“According kay Sepeda, nag-shot-shot anay sila nga tatlo sa Pavia tapos pag-abot sa Lambunao, nagkaon sang hamburger tapos pagkaon, along the way siguro natan-aw namon napiyongan ang drayber tapos alang-alang na ang iya kabig. Una ya nabunggoan ang concrete nga poste nga bali gid tapos dala ya ang duha pa ka lubi,” dugang ni Pamonag.
Sa pagbanta ni Pamonag, nagataas ang pil-as sang 12 tubtob 15 ka tapak halin sa karsada./PB
[/av_textblock]
[/av_one_full]
