[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Wanted nagbatu sa pulis, gintiro ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Cyrus M. Garde
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 8, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang BACOLOD – Pilason ang wanted person nga natirohan matapos magbatu sa mga pulis samtang ginaserbehan sang warrant of arrest mga alas-6:40 sa gab-i sang Martes sa Sitio Amparo sakop sang Barangay Mabini sa Syudad sang Escalante, Negros Occidental.
Ginkilala ni Chief Inspector Rollie Pondevilla, hepe sang Escalante City PNP, ang suspek kay Joy De La Cruz Victorama, 45, kag nag-istar man sa amo nga lugar.
Ginserbehan sia sang mga pulis sang warrant of arrest para sa kaso nga murder nga ginpapanaog ni Judge Katherine Go sang Regional Trial Court, Branch 57 sa Syudad sang San Carlos, Negros Occidental.
Sunu sa report sang Escalante City PNP, nagbatu sa mga pulis ang suspek kag gin-agaw pa ang pusil ni PO1 Cris Escovilla.
Pagkakita ni PO3 Teofisto Aburido II sang natabu, nagbulig ini kag natumba sila rason sang pagtabog sang pusil.
Nagpangabay pa si Escovilla sa suspek nga magsungka na pero ginkuha pa sini ang espading kag ginlabu si Aburido nga naigu sa wala nga kamot.
Bilang depensa naman sa iya kaupod, nakuha ni Escovilla ang iya pusil kag gntiro sa suspek.
Una nga gindala ang suspek sa Vicente Gustilo Memorial District Hospital sa amo man nga syudad apang sang ulihi ginliton sa Corazon Locsin Montelibano Memorial Regional Hospital sa Syudad sang Bacolod.
Wala naman sang piyansa para sa temporaryo nga kahilwayan sini./PB
[/av_textblock]
[/av_one_full]
