[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DALAGITA GINKALBO, GINKADENA SANG AMAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI Joel Franco
[/av_heading]
[av_textblock size=” font_color=’custom’ color=’#0a0a0a’]
Friday, February 24, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Ginkalbo kag ginkiskisan ang kilay samtang naka-kadena sang amay ang iya 16 anyos nga bata nga babae.
Sandig sa rekord sang La Paz PNP, ginpugos sang amay nga ginkilala lang kay Rodel ang iya anak nga si alyas Babe kag ginkiskisan ang ulo. Wala pa makuntento, ginkiskisan pa sini sang kilay ang anak kag ginkadenahan.
Ginpahayag nga Miyerkoles sang hapon sang gin-akigan sang amay si Babe kag ginhambalan nga indi maghalin sa ila balay. Pero sang ulihi nakita ini sang iya manghod nga ginahimos ang iya mga bayo kag nagtuyo nga maglayas.
Siling naman sang iloy nga si alyas Tess, ini ang rason nga liwat nga naakig ang iya bana gani nahimu niya ato sa ila bata.
“Naakig ang bana ko kay pirme lang nagalagaw ang bata. Naga-upod pa sa iya mga abyan sa gang kag wala na halos naga-eskwela,” kumpirmasyon ni Tess.
Nabuy-an lamang ang bata sang nagresponder ang mga tanod kag ginkuha ini.
Ginpahayag naman ni tanod commander Manuel Castillanes nga may agi sang kadena ang tiil sang bata kag wala na sang kilay kag kalbo sang ila naabutan sa balay sang suspek.
Sa interbyu sang RMN Iloilo, ginsiling sang amay nga napuno na sia sa pagkasalawayon sang anak. Nahimu man niya ang amo nga bagay sa anak bangod nahadlok sia nga tinuntohan ini sang mga lalaki sa iya pag-upod sa mga barkada.
“Napuno na ako. Palangga ko ang bata ko. Nahadlok lang ako nga basi tuntohon lang sya sang mga lalaki,” pahayag ni Rodel.
Detain na karon sa lock-up cell sang La Paz PNP ang amay samtang ara sa kustodiya sang City Social Welfare and Development Office ang dalagita. Kag desidido man ini nga pasakaan sang kaso ang iya amay./PB
[/av_textblock]
[/av_one_full]
