[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’KAPITAN GINKAWATAN SANG SEX WORKER ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Friday, March 24, 2017
[/av_textblock]
[av_textblock size=” font_color=” color=”]
Syudad sang ILOILO – Nagreklamo ang isa ka barangay kapitan nga ginkawatan sia sang ginkuha niya nga sex worker sa MM Lodge sa Barangay Sto. Niño Sur, distrito sang Arevalo sang Miyerkoles sang gab-i.
Base sa alegasyon sang 57-anyos nga kapitan nga taga-Mina, Iloilo, naghagaray sila sang iya upod man nga kapitan nga maglagaw-lagaw sa Arevalo matapos sila nga nagtambong sang seminar sa isa ka hotel sa distrito sang Mandurriao.
Gilayon man nga nakakita sang sex worker ang mga kapitan kag sa presyo nga P700, nagsugtanay sila.
Nagkuha man sila sang duha ka kwarto pero makaligad ang pila ka minutos, nagreklamo ang sex worker nga si alyas Inday nga nagpalanakit na ang iya lawas pero wala gihapon “magwa-an” ang kapitan.
Diri na nga naglisensya ang sex worker nga magpahangin sa gwa sang ila hulot pero nalab-otan lang sang pila ka minutos, wala na ini makabalik rason nga nagduda na ang kapitan.
Ginsekyar sini ang iya kahita kag nakibot sia nga P3,000 na lang ang bilin sang iya P5,000. Daku man ang pagpati sang kapitan nga ginkawat yadto sang sex worker.
Pagbalik naman sang sex worker sa kwarto, gin-alegar nga gintampa ini sang kapitan rason nga nagreklamo man ang nauna sa kapulisan.
Sa iya panaysayon, ginpanginwala sang sex worker nga sia ang nagkawat sang kwarta sang kapitan.
Sang nakalab-ot na ang duha sa istasyon sang pulis, wala man nagpa-blotter ang kapitan sa kahangawa nga mabal-an ang iya pangalan./PB
[/av_textblock]
[/av_one_full]
