[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! | Pula, yellow, pula’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Sunday, May 28, 2017
[/av_textblock]
[av_textblock size=” font_color=” color=”]
NAG-RESIGN na si Mayor Jed Patrick Mabilog bilang katapo sang Liberal Party (LP), ang anay ruling party nga karon nangin minority na sa pagdaug ni President Rodrigo Duterte sa nakaligad nga presidential elections.
Nag-umpisa sa pulitika sa syudad sang Iloilo si Mabilog bilang councilor sadtong 2004 bilang independent. Sang 2007 nagdaug sya bilang bise alkalde bilang independent sa gihapon. Sang 2010 nagpadalagan sya bilang aklakde sa idalum sang LP kontra kay anay congressman kag Justice secretary Raul Gonzalez Sr. sang Lakas-NUCD-Kampi.
Sa LP naglambo ang pulitika ni Mabilog bangud nagdaug si President Aquino nga iya kapartido. Ara man si Sen. Franklin Drilon nga iya man himata. Pero sa matuod lang siling sang kilala ko, bisan waay partido si Mabilog masarangan nya magpadalagan. May makinarya, kwarta kag maayo ang public relations. Buot silingon makasarang sya sa kampanyahanay, pwersa man ukon kwarta.
Nagkaproblema sang ulihi ang alkalde sang nalutos si Mar Roxas, ang pambato sang LP sa pagkapresidente. Nagpungko si Duterte kag naglala ang sitwasyon. Asta nga may mga isyu na sang ilegal nga droga kag madamo pa.
Ang LP daw nangin hilo na sa kabuhi sang alkalde bangud ang administration puno gid sang kaakig sa ginatawag nila nga Yellowtards. Kaangay bala nga ang kaangtanan ni Mabilog sa anay administrasyon kag labi na nga ara da si Drilon amo ang nagaganoy sa iya sa kalalat-an. Gani kinahanglan niya nga magbulag diri agud mapadayun ang iya maayo nga imahen nga nadagtaan sang iya political alliances.
Sini nga semana naglanog ang balita sang resignation sang alkalde sa LP. Nagbiya sya kag nagatindog subong nga independent. Sa iya interviews ginsiling ni Mabilog nga luyag niya nga mag-focus sa iya trabaho bilang alkalde sa nabilin nga duha ka tuig sa iya term. Gin-athag man sang alkalde nga wala sang tanyag sa iya nga magsaylo sa iban nga partido. Ini sa tuyo lamang nga makapdayun sya sang focus sa mga proyekto niya sa syudad.
Madamo ang indi makapati nga ini lang ang rason sang iya resignation sa LP. Kun ano man ang iya rason sa pag-resign, indi naton lubos nga mapakot. Pero isa lang ang sigurado…mas makapaayo kay Mabilog ang mangin independent. Mas makapaayo sa iya nga hukson na ang kaangtanan sa LP nga target subong sang administrasyon.
Makabig nga wise decision ang ginhimo ni Mabilog. Wais nga desisyon bangud nga hilway na sya sa ano man nga political decision nga iya himuon. Wala na sang kinahanglan nga tugda gikan sa political patrons kundi sya na mismo ang makatimon sang iya byahe politika.
Nag-umpisa sya sa politika nga pula ang du-ag sang iya kampanya, nagsaylo sya sa yellow kag karon balik naman sa pula. Sa iya pagbalik sa daan nga du-ag sang kampanya, ano naman ang matabo sa mga city councilors nga kaalyado niya sa LP? Magaupod man bala ini sa iya ukon magapabilin sa administrasyon? Padayun bala ang suporta sa iya sa pihak nga nagbiya na ini sa partido?
Sa pagkadamo sang palamangkutanon, pero indi kita makakuha sang tul-id nga sabat. Ina bangud si Mabilog lang ang nakahibalo sang kamatuuran. Mahimo kita nga makahaumhaum pero ang matuod nagaisahanon lang kag ang alkalde lang ang nakahibalo sini.
Sa pihak sini, kabay nga ang ano man nga desisyon sang alkalde makapaayo sa syudad. Ano man ang du-ag sang iya pamulitika, kabay nga ang pagsanyog sang syudad magapadayun. (jfranco1975@yahho.com/PN)
[/av_textblock]
[/av_one_full]
