[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 ka bus nagsampok: 7 pilason’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Friday, February 3, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Pito ka mga pasahero ang pilason sa pagbunggo-anay sang duha ka mini bus sa stoplight sa Mabini Highway sakop sang Barangay Zone 15, Syudad sang Talisay, Negros Occidental mga alas-otso sang aga sang Miyerkoles.
Ginpangdala ang mga pilason sa Corazon Locsin Montelibano Memorial Regional Hospital agud madapatan sang pagbulong.
Sunu sa report, mga minor lamang nga pilas kag bukol ang naangkon sang mga pasahero nga mapadulong kontani sa Syudad sang Bacolod.
Ginsiling naman ni Rene Bocatot, sang Brgy. San Isidro, Toboso kag drayber sang bus nga may plate number FWV-943, nga isa lang ang pilason sa iya mga pasahero nga 20 tanan.
Base naman sa panaysayon ni Rogelio Ogahayon sang Toboso kag drayber sangisa ka bus nga may plate number FWU-318, hinali sia nga nagpundo bangod gulpi man nagpundo ang bus ni Bocatot bangod sa stoplight sa ginsang-an sang kalye. Dugang pa niya nga anum sa mga pasahero niya ang nasamaran.
Ginkilala naman ni Supt. Adonis Rosales, hepe sang Talisay City PNP, ang mga biktima nga amo sanday:
* Josephine Butalid, 48,
* Dinah Taganile, 47, kag
* Delba Maguate, nga lunsay taga-Brgy. San Isidro, Toboso;
* Tara John Onsec kag
* Ronilo Sanchez nga mga taga-Brgy. Madalag, EB Magalona;
* Nenita Lauresta sang Brgy. Guinhalaran, Syudad sang Silay, kag
* Iggy Pacheco sang Syudad sang La Carlota./PB
[/av_textblock]
[/av_one_full]
