[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 ka durogista napatay sang pulis’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Monday, April 10, 2017
[/av_textblock]
[av_textblock size=” font_color=” color=”]
Syudad sang ILOILO – Patay ang duha ka gina-alegar durogista matapos nga nagbatu sa mga pulis sa Barangay Poblacion, Ilaya, Zarraga, Iloilo alas-12:20 sang hapon sang Sabado.
Ginkilala ang mga suspek nga sanday Jaime Ching Buaron II alyas Kimboy sang Brgy. Poblacion, President Roxas, Capiz kag Charles Lubao sang Syudad sang Roxas nga ginakabig high-value target sang Capiz Police Provincial Office (CPPO).
Base sa imbestigasyon sang Zarraga Municipal Police Station (MPS), nagtuyo nga magbatu si Lubao nga subject sa operasyon paagi sa pag-gabot sang iya M16 rifle pistol kag gintuyo nga tiruhon ang pulis nga nagserbe nga poseur buyer rason nga gin-unahan sia tiro nga nagresulta sang kamatayon sini matapos nga naigu sia sa dughan.
Sang makita naman ni Buaron ang natabo, nagtuyo ini sa paghaboy sang granada sa mga pulis rason nga gintiro man sa ulo kag makaligad ang pila ka minutos nga gindala sa Iloilo Provincial Hospital sa Pototan, gindeklarar ini nga patay sang doktor.
Samtang narekober pa sa paghinakop ni Lubao ang 21 ka mga plastic sachets sang ginapatihan shabu kag duha naman ka dalagku nga sachets sang ginapatihan shabu ang nakuha kay Buaron.
Nag-gwa man sa report nga si Lubao ang subject sadto sang drug bust operation sang CPPO apang nakapalagyo./PB
[/av_textblock]
[/av_one_full]
