[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 ka lalaki nakuhaan 65 sachets sang shabu’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Friday, June 9, 2017
[/av_textblock]
[av_textblock size=” font_color=” color=”]
Syudad sang ILOILO – Naglab-ot sa 65 ka mga plastic sachets sang ginasuspetsahan shabu ang narekober sa duha ka lalaki sa buy-bust operation alas-cinco sang hapon sang Miyerkoles sa Barangay Hipodromo, City Proper.
Nakilala ang mga suspek kanday Edison Locsin, 39, soltero kag residente sang Brgy. Boulevard, Molo kag Jovenal Yabot Jr., 39, soltero kag residente sang Zone 6, Brgy. Calumpang, Molo.
Base sa rekord sang Regional Drug Enforcement Unit sa pagpamuno ni Senior Inspector Keneth Bermejo, ang subject sa operasyon amo si Locsin nga nabaklan sang iya tinawo sang ginapatihan shabu balor P2,200.
Dimalas lamang nga si Yabot ang naghatag sang ginapahayag droga sa mga operatiba rason nga pati sia ang gin-aresto man.
Nakuha sa paghinakop sang duha ang 65 tanan ka mga plastic sachets sang ginasuspetsahan shabu dala na ang buy-bust item nga ginabanta nagabili sang P20,000, brown nga kahita, cellphone, digital weighing scale, itom nga pouch, improvised tooter, duha ka homemade .38 caliber revolver, siam ka mga bala sang .38 caliber revolver, kag duha ka holster.
Sunu pa kay Bermejo sa interbyu sang mga katapo sang media nga madugay na nila nga ginabantayan ang hulag ni Locsin pero madanlog ini kag sini lang natiempohan.
Nahunong na subong ang duha ka arestado sa karsel sang Police Precinct 1 kag nagapangatubang sang mga kaso nga paglapas sa RA 9165 ukon Comprehensive Dangerous Drugs Act of 2002 kag RA 10591 ukon Comprehensive Firearms and Ammunition Regulation Act./PB
[/av_textblock]
[/av_one_full]
