[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’3 ka mga lalaki nakuhaan 27 sachets shabu ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=’18’ font_color=” color=”]
Syudad sang ILOILO – Kabug-osan nga 27 ka mga plastic sachets sang ginapasuni shabu ang narekober sa tatlo ka mga lalaki sa Barangay Desamparados sa distrito sang Jaro alas-nueve sang Lunes sang gab-i.
Ginkilala sang Jaro PNP ang mga suspek nga sanday:
- Christian Fritz Magcanan, 22, sang Brgy. Benedicto, Jaro;
-
Joh Mark Gregori y Prevendido, 18, sang Brgy. Desamparados, Jaro; kag
-
Rey Mark Altamia y Jaleco, 18, sang Brgy. Desamparados, Jaro.
Sandig sa report sang Jaro PNP, nabaklan sang poseur buyer sang balor P1,200 nga isa ka plastic sachet sang ginapasuni shabu ang tatlo.
Nakuhaan pa gid sila sang dugang nga 26 ka mga plastic sachets sang gina-alegar shabu kag cash nga P2,700 nga ginapatihan kita sang mga suspek sa pagbaligya sang ilegal nga droga.
Nag-gwa pa sa report sang Jaro PNP nga ang tatlo amo ang ginapasuni nagasuplay sang ilegal nga droga sa duha ka estudyante sang isa ka maritime university sa distrito sang Arevalo nga una na nga nadakpan sa buy-bust operation sang tinalikdan nga mga semana.
Pero ini nga alegasyon lunsay ginpanginwala sang tatlo sa paghambal pa nga planted lamang ang nakuha nga ginapasuni shabu sa ila paghinakop.
Nahunong na subong ang tatlo sa karsel sang Jaro PNP kag natalana kasoha sang pagbayolar sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]