[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’4 KA TANOD GINTIRO, 2 PATAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Friday, July 7, 2017
[/av_textblock]
[av_textblock size=” font_color=” color=”]
Syudad sang ILOILO – Patay ang duha ka barangay tanod samtang pilason naman ang duha pa nila ka mga kaupdanan matapos nga ginpangtiro sila sa Barangay Camanci Norte, Numancia, Aklan alas-10:20 sang Miyerkoles sang gab-i.
Dead-on-arrival sa Aklan Provincial Hospital sanday Walter Rembulat kag Rogelio Saron nga lunsay tanod sang Brgy. Camanci Norte. Nakaagom sila sang mga samad sa lawas tuga sang pagtiro gamit ang wala pa madeterminar nga sahi sang pusil.
Padayun naman nga ginabulong sa amo man nga ospital si Jestoni Isidro samtang sa Saint Gabriel Hospital naman gindala si Danilo Villaronte.
Sandig sa imbestigasyon sang Numancia Police Station, nagaronda ang mga tanod sa peryahan malapit sa plaza sang Brgy. Camanci Norte sang gulpi lang sila nga ginpangtiro sang wala nakilal-an nga mga suspek nga lunsay nagasuksok sang bonnet.
Natalupangdan man sang mga saksi nga nagsakay ang mga suspek sa duag itom nga Rusi 125 nga motorsiklo padulong sa banwa sang Makato ukon Kalibo.
Samtang ginasulat ining balita, padayun pa ang imbestigasyon sang Numancia Police Station sa natabo./PB
[/av_textblock]
[/av_one_full]
