[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’4 KA TAWO GINSALAKAY SANG TRAK’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Friday, May 26, 2017
[/av_textblock]
[av_textblock size=” font_color=” color=”]
Syudad sang BACOLOD – Patay ang duha ka lalaki samtang pilason naman ang duha pa nila ka upod sang nabunggoan sila sang nagahagunos nga cargo truck nga kargado sang mga tubo sa access road sakop sang Brgy. Paraiso, Syudad sang Sagay, Negros Occidental.
Ginkilala ni Chief Inspector Robert Mansueto, hepe sang Sagay City PNP, ang mga napatay nga amo sanday Antonio Castillon Dandoy, 65, may asawa kag naga-istar sa Brgy. Bato sang amo nga syudad; kag Samuel Sasi Tanjusay, 50, may asawa, sang Purok Marangsakop, Brgy. Bato.
Ginhingagaw sila dala sa Lopez Farmers District Foundation Hospital, Incorporated sa amo man nga syudad apang ginlawag dead-on-arrival.
Ang nagkalapilasan naman amo sanday Raymond Villarin, 17, taga-Brgy. Bato kag Arlo Magarso, 35, sang Crossing San Agustin, Brgy. Paraiso.
Sunu sa imbestigasyon sang kapulisan, sakay sa Suzuki pickup ang mga biktima halin sa Syudad sang Bacolod kag mapauli na kontani sa Brgy. Bato sang nakabunggo sila sa center island sang access road. Bangod sini nagwarik ang ila salakyan kag nagbalabag sa tunga sang dalan.
Gilayon man sila nga nagtawag sang rescue team agud mabutong sang ila salakyan. Sang tion na nga ila itakod ang kadena sang towing truck, may nagahagunos nga trak nga nagapadulhog kag nabunggoan sila mga alas-siete y medya sang Miyerkoles sang gab-i.
Ang nasambit nga trak nga ginamaneho ni Joemarie Sabordo Silabay, 56, kag taga-Brgy. Magticol,Toboso, mapadulong na kontani sa Syudad sang Victorias agud magpagaling sang tubo
Gilayon man nga gindakop sang kapulisan ang drayber sini nga priso na sa karsel sang Sagay City PNP./PB
[/av_textblock]
[/av_one_full]
