[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ 9-ANYOS NGA BATA GINHIMUSLAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Saturday, March 25, 2017
[/av_textblock]
[av_textblock size=” font_color=” color=”]
Syudad sang ILOILO – Nagreklamo ang siam ka tuig nga bata nga babae nga ginhimuslan sia sang wala niya nakilal-an nga lalaki sadtong bulan sang Pebrero sa isa ka barangay sa Leganes, Iloilo.
Sandig sa imbestigasyon ni Police Officer 2 (PO2) Rosely Tingson sang Women and Children’s Protection Desk (WCPD) – Leganes PNP, mga takna alas-5:30 sang hapon samtang nagalakat ang biktima sa karsada halin sa ila eskwelahan sang ginpalapitan ini sang suspetsado kag gintanyagan sang P5.
Wala ginbaton sang biktima ang kwarta rason nga ginsumbag ini sa tiyan kag puersa nga gindala sang suspetsado sa payag kag ginhimuslan.
Base naman sa panaysayon sang biktima, gin-ubahan sia sang suspetsado kag ginpasulod ang tudlo sini sa iya kinatawo.
“According sa bata, gin-ubahan sia sang short kag gin-insert ang finger sang suspect sa iya nga kinatawo,” saysay ni Tingson.
Nagpanugid man dayon ang biktima sa iya lola nga amo ang nagreport sa ila eskwelahan sang insidente pero ginhambalan sila nga magdangop sa Department of Social and Welfare Development.
Kahapon naman kontani pormal na nga mapasaka sang kaso ang pamilya sang biktima kontra sa suspetsado pero ginpanugyanan sila nga ipa-idalom anay sa eksaminasyon medikal ang bata para mabal-an kon nagasugid ini sang matuod.
Samtang ginasulat ini nga balita, may gina-uyatan na nga impormasyon ang Leganes PNP angut sa pagkatawo sang suspetsado pero ginahulat na lang nila nga ipasaka ang kaso antes ini arestuhon./PB
[/av_textblock]
[/av_one_full]
