[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’953 ka aplikante nagdugok sa job fair sang DOLE ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Tuesday, May 2, 2017
[/av_textblock]
[av_textblock size=” font_color=” color=”]
Syudad sang ILOILO – Madinalag-on ang paglaragway ni Department of Labor and Employment (DOLE) 6 Assistant Regional Director Salome Siaton sang ginhiwat nila nga job fair sa Atria sa distrito sang Mandurriao kahapon.
Sunu kay Siaton, madamo sang nagpasakop nga pribado nga mga kompaniya kag ahensya sang gobyerno sa job fair kadungan pagselebrar sang Labor Day. Lakip sa nagpasakop nga mga ahensya sang gobyerno amo ang ila attached agencies pareho sang Philippine Overseas Employment Administration, Overseas Workers Welfare Administration, Professional Regulation Commission, National Labor Relations Commission, kag iban pa.
Sandig sa datus sang DOLE, tubtob alas-tres sang hapon kahapon yara sa 953 ka mga aplikante ang nagdugok sa Atria para magpasakop sa job fair.
Sa 953, 466 naman ang kwalipikado sa pag-obra sa lokal kag overseas samtang 37 ang hired-on-the-spot. May 12 man ka mga persona nga ginpatigayon para mahanas sa Technical Education and Skills Development Authority samtang 21 naman ang ginpakadto sa Department of Trade and Industry para matudloan kon paano mag-negosyo.
Matandaan nga masobra 19,000 ka mga bakante nga trabaho ang ginbuksan para sa job fair. Ang pinakadamo nga gintanyag nga trabaho ang makita sa mga business process outsourcing nga nagapangita sang call center agents.
Wala man nagpa-ulihi ang mga trabaho kaangay sang customer service representatives, billing and collection representatives, manunudlo, customer service associates, travel associates, technical support associates, nurses, salesmen, drayber, kag supervisors.
HUBLAG-PROTESTA SA LABOR DAY
Samtang, kon gindugokan ang job fair, linibo naman ka mga persona ang nakigbahin sa hublag-protesta nga ginkasar sang mga cause-oriented groups sa Iloilo Freedom Grandstand kahapon.
Nagtipon ang masobra 3,000 ka mga persona diri kag nagmartasa padulong sa kapitolyo probinsyal sang Iloilo.
Hambal ni Karapatan Panay Secretary General Reyland Vergara, tuyo sang hublag-protesta nga ipanawagan ang pagtapos sa contractualization sa pungsod. Ginpanawagan man nila nga sundon ang P320 nga minimum wage sa mga trabahador sa Rehiyon 6 kasunod sang ginaduso nga P750 nga sweldo kada adlaw bangod ini ang angay sa pamilya nga may pito ka mga miembro./PB
[/av_textblock]
[/av_one_full]
