[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | KARSEL SANG NAGLILIGAD’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni ROBERTO ‘BERT’ LADERA
[/av_heading]
[av_textblock size=” font_color=” color=”]
Wednesday, May 3, 2017
[/av_textblock]
[av_textblock size=” font_color=” color=”]
Nakibot ang tanan sa nadiskubrehan nga sikreto nga prisuhan sa Manila Police Station 1 sa Tondo, Manila.
Naglanog ang balita sang mismo ang taga Commission on Human Rights ang nakatukib sa sini nga sitwasyon nga naga-igsister sa sini nga panahon.
Naluoy sila sa sitwasyon sang mga nahunong nga daw indi na kuno tawo ang pagkabig sa ila kag halos nagaginutok sa sulod kag indi masulhay ang ila kahimtangan.
Nagtuga sang negatibo nga reaksyon para sa tanan ang ila nakita kag gilayon sila nga naghimo sang konklusyon nga dapat manabat ang opisyal sang pulis angot sa nagakatabu sa iya nga nasakupan.
Sa una nga lantaw, makahimo kita sang konklusyon nga indi husto ang ginabuhat sang kapulisan, apang kon padalman kag hibaluon ang bug-os nga detalye sang sini nga insidente, mahimo nga makapamuklat ini sa aton paminsaron nga may dapat nga bag-uhon ukon talupangdon sa sini nga sitwasyon.
Naantisipar bala naton ang hinali nga pagdamo sang mga priso sa sulod sang karsel? May pagtuon bala nga nahimo kon ano ang mangin sitwasyon sang aton mga prisuhan sa sulod sang lima ukon pulo ka tuig? Napaktan bala naton nga bangud sa war on drugs sang karon nga administrasyon may madamo nga persona nga madakpan may kaantanan sa ilegal nga druga? Kon nahibaluan lang sang Philippine National Police, sang Commission on Human Rights, sang mga senador kag kongresman kag iban pa nga natungdan nga ahensya sang gobyerno, kuntani nagpanigana na kita agud nga indi naton malapas ang kinamatarong sang isa ka tawo bisan pa nga nadakpan na naton bangud sa ilegal nga druga.
Matuod gid man nga dapat naton sila hatagan sang disente nga kahimtangan. Apang, paano ina mahatag sang kapulisan kon kulang sila sa pasilidad? Kon wala nalantaw sang nagligad nga administrasyon ang kalala sang problema nga abagahon sang karon nga administrasyon?
Makaluluoy lang ang mga pulis nga nagatuman sang mandu nga magpangdakop, apang wala sang karsel nga sudlan sang ila nadakpan. Makapakunol ayhan ini sa ila nga kampanya bangud nga sila ang kasuhan kon wala sang disente nga karsel nga sudlan ang ila madakpan?
Angay bala nga pahugon ang mga pulis nga kasuhan? Ukon giyahan sang CHR, nga mga maalam kag may pag-ulikid sa mga nakalapas sa kasuguan, ang mga tagpatuman sang kasuguan kag ila buligan kon paano solusyunan ang ini nga kahimtangan.
Kahibalo man kita nga kon indi nila paghugton ang sitwasyon kag sila ang mapalagyuhan, sila man ang magapangatubang sang kaso sa National Police Commission.
Pasangkaron naton ang aton panan-awan. Kon indi mag-operate ang kapulisan, sila ang may salabton sa PNP. Kon magpangdakop na sila kag maggutok ang prisuhan, sila ang kasuhan sang CHR. Kon halugan nila ang paghunong sa mga nadakpan kag sila ang mapalagyuhan, sila ang kasuhan sang NAPOLCOM. Kon ikaw ang pulis, ano ang himuon mo?
May balatian ang sistema. Indi dapat magbasulay. Untatan ang pahugay kag tudluanay kon sin-o ang may sayop.
Atubangon ang sitwasyon, pangitaan sang solusyon agud nga mahilway sa karsel sang nagliligad./PB
[/av_textblock]
[/av_one_full]
