[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pari sa Sta. Barbara ginreklamo na naman’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Friday, May 12, 2017
[/av_textblock]
[av_textblock size=” font_color=” color=”]
Syudad sang ILOILO – Nabutang na naman sa kontrobersiya ang pari sa banwa sang Sta. Barbara, Iloilo matapos nga ginreklamo sang pamilya sang patay nga gin-misahan sa ila simbahan Katoliko.
Sandig sa report sang Aksyon Radyo Iloilo, sunu man sa reklamo ni Armando Soldea nga tumandok sang Brgy. Bagumbayan, Sta. Barbara kag isa ka retirado nga soldado, bag-o gid lamang natapos ang misa sa lubong kang naghalad sang kanta ang apo sang napatay samtang nagahibi.
Bangod sini, ginapasuni nag-gwa si Monsignor Juanito Tuvilla kag ginpatay ang mikropono bangod nga naakig sia.
Nahibaluan pa nga indi man si Tuvilla ang nag-misa sa patay kundi lain nga pari.
Bangod sang akto sang pari, naakig ang pamilya sang patay rason nga plano nila nga magpasaka sang kaso kontra diri.
Matandaan nga makapila na ka beses nga nabutang sa kontrobersiya ang pangalan ni Tuvilla kon sa diin ginareklamo man sia sang mga pumoluyo sa Sta. Barbara bangod sang iya malain nga paminatasan.
Samtang ginasulat naman ining balita, wala pa makapagwa sang iya opisyal nga pahayag ang nasambitan nga pari./PB
[/av_textblock]
[/av_one_full]
