[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’TAXI DRAYBER NASAPWAN PATAY ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Friday, May 12, 2017
[/av_textblock]
[av_textblock size=” font_color=” color=”]
Syudad sang ILOILO – Wala na sang kabuhi sang nasapwan ang drayber sa compartment sang iya ginamaneho nga taxi sa national highway sakop sang Barangay Poblacion Ilawod, Dumarao, Capiz alas-3:10 sang hapon kahapon.
Ang biktima ginkilala nga si Jessie Cabatin kag residente sang Brgy. Bolilao, Mandurriao, Syudad sang Iloilo kag drayber sang Sherlyn taxi nga may plate no. FW2-659.
Sa inisyal nga imbestigasyon sang Dumarao Police Station, si PO1 Hernan Habulan ang nakadiskubre sang gin-abandonar nga taxi sa higad sang dalan rason nga ginpahibalo dayon niya ini sa kapulisan.
Sa pagresponder sang kapulisan sa lugar, ginbuksan nila ang compartment sang taxi kag nakit-an ang tawo nga nagabarikutot kag ginatabonan sang floor mat kag spare tire.
Gilayon man nga naghinyo sang pag-imbestigar sang Scene of the Crime Operatives ang Dumarao Police Station para madeterminar kon ano ang gintunaan sang kamatayon sang biktima.
Sunu pa sa report nga may pilas sa liog tuga sang pagbunu ang biktima kag wala na ang kwarta sini.
Sa interbyu naman sang Aksyon Radyo Iloilo sa asawa sang biktima, ang ulihi nga tawag sang iya bana sa iya sadtong Miyerkoles pa sang gab-i kag wala na maka-kontak sa iya tutbob nga nasapwan na lamang ini nga patay.
Nagalibog man ang ulo sang asawa kon ano ang motibo sang suspetsado sa pagpatay sa iya bana nga para sa iya mabuot kag wala sang bisyo.
Tubtob ginasulat ining balita, padayun pa ang imbestigasyon sang Dumarao Police Station sa natabo./PB
[/av_textblock]
[/av_one_full]
