[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | BRIGADA ESKWELA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI ROBERTO ‘BERT’ LADERA
[/av_heading]
[av_textblock size=” font_color=” color=”]
Friday, May 19, 2017
[/av_textblock]
[av_textblock size=” font_color=” color=”]
Makita ang paghugpong sang tanan, nagabuylog agud nga ang mabug-at nga obra mangin mamag-an, kag ang paghiwat sang isa ka lihok nga may isa ka katuyuan.
Ginsuguran sang Lunes ang pagpatigayon sang Brigada Eskwela sa Cebu sa pagpanguna ni DepEd Secretary Leonor Briones para sa Official National Launching.
Nahibaluan nga nauna na sang nagligad nga Biyernes ang Regional Kick-off sa banwa sang Cabatuan sa pagpanguna ni DepEd Assistant Secretary for Legal and Legislative Affairs Tonisito Umali.
Gin-umpisahan sang 2003 ang Brigada Eskwela sa konsepto nga maghiwat sang pagpangkay-o sang mga gamay nga bagay nga may guba, pagpinta sa pila ka bahin sang buluthuan, pagpanglimpyo sa palibot kag pagtanum sang mga ulutanon nga mangin mapuslanon para sa tanan, kag ang iban pa nga pagpanghanda sa buluthuan sa pagbukas sang klase.
Ginahandom sang tanan nga malimpyuhan na ang buluthuan kag ang iya palibot agud nga sa pagbukas sang klase insigida nga magasugod ang mga estudyante sa pagpamati sa ila mga manunudlo kag indi na kinahanglan pa nga magpanglimpyo bangud nakauna na sa paglimpyo ang mga nag-upod sa Brigada Eskwela.
Tuman na ka daku sang nabulig sang Brigada Eskwela sadto pa man kag tubtub sa karon. Naglab-ot sa mas o menos sa 7.2 billion pesos sang tuig 2016 ang balor sang man-hour ukon natrabaho sang tawo kag nadonar nga mga pinta kag gamit panglimpyo para sa Brigada Eskwela kag ang nasambit nga balor ang mas mataas pa sa 4 billion pesos sang tuig 2015.
Ginpahayag pa ni Assistant Secretary Umali nga may kapin na sa 11.5 million ka mga volunteers sang tuig 2016 nga mas nagdamo gikan sa 8.8 million ka mga volunteers sang tuig 2015.
Maathag nga makita ang geometric increase sa kadamuon sang mga volunteers nga nagapasakop kag sa balor sang mga nadonar nga mga bagay para sa kadalag-an sang Brigada Eskwela.
Amat-amat lamang ang pagdamo sang mga nagpasakop sang ini ang gin-umpisahan sang tuig 2003, naglab-ot sa 16 mil ka mga buluthuan ang nagpasakop sang tuig 2004, halos tanan nga mga buluthuan ang nagpasakop sang tuig 2007 rason nga sang 2008 gin-institutionalize na ang Brigada Eskwela.
Magapabilin nga mapag-on ang ini nga hilikuton apisar nga ginalabayan na sang madamo nga tinion. Samtang maathag ang katuyuan, nahangpan sang tanan ang padugi, kag may yara sang padulungan ang ini nga hilimuon, magapabilin ini tubtub sa indi mapaktan nga mga dinag-on.
Padayon kita nga maghugpong kag mag-ugyon sa sini nga hilikuton. Ipakita naton sa masunod nga henerasyon ang maayo nga bunga sang aton ginahimo agud ila man nga pagasundon kag ipadayon.
Kaangay sang silhig nga ginabugkos, makita naton ang ila kabakod paagi sa pagtingob apang nagahuyang lamang kag madali nga mabali kon naga-isahanon.
Buligan naton nga mapabilin ang kainit kag pagdabdab sang sini nga lihok sa balatyagon sang komunidad agud nga indi mapanas kag indi madula sa kabugnaw kag kapung-aw.
Bangud sa aton pag-ulikid sa bwas-damlag sang mga kabataan, kita ang rason kon ngaa ang Brigada Eskwela ang nagapadayon tubtub karon.
[/av_textblock]
[/av_one_full]
