[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Amlig gid sa pagtabuk sa dalan’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Saturday, June 17, 2017
[/av_textblock]
[av_textblock size=” font_color=” color=”]
ANG madasig nga pagpadalagan sang salakyan isa sang daku nga rason kon ngaa nagakatabo ang aksidente sa dalanon.
Kon madasig ang pagmaneho sang drayber sang iya salakyan, syempre nagalip-ot man ang tinion niya sa paglikaw nga mabunggoan ang isa ka nagatabuk sa dalan ukon ano pa man nga sablag sa iya sa dalanon.
Ang isa ka pagtuon sa San Diego, California, U.S.A. nagapakita, por ejemplo, nga kon ang isa ka salakyan nagadalagan sang 30 miles per hour (mga 48 km kada oras) puede niya malikawan iguon ang nagatabuk nga pedestrian kon malapakan niya gilayon ang preno samtang yara pa sa 45 ka tapak ang kalayuon sini sa nagapadulong nga salakyan.
Pero, kon nagadalagan sang 35 mph (56.3 kph) ang salakyan iguon gid niya ining pedestrian nga yara sa 45 ka tapak halin sa salakyan bisan gilayon nga magpreno pa ini.
Ini ang rason kon ngaa may ginatalana nga kadasigon ang mga salakyan sa dalanon, katulad sang bag-o lang na-implementar nga Speed Limit Ordinance (SLO) sa Siyudad sang Iloilo. Ini agud malikawan nga mabunggoan ang pedestrian ukon ano pa man nga bagay nga ginapadulungan sang salakyan.
Tandaan ugaling naton nga ang ining natalana nga mga speed limit sang SLO sa karon, samtang bag-o pa lang, isa lang anay ka eksperimento (prima facie limit) tubtub nga mapamatud-an gid nga ang mga ini amo gid ang nagakabagay sa aton mga dalanon diri sa siyudad.
Amo gani nga ginatun-an sa gihapon ang ining speed limit sa pagpanguna ni Konsehal Joshua Alim, ang otor sini, samtang gapamati siya sang mga reklamo sang mga natungdan, labi na gid ang mga drayber sang mga salakyan.
Siling nila, por ejemplo, nga tam-angid kahinay ang speed limit sa pila ka mga dalanon katulad sa Mandurriao kag Jaro nga nagapahinay man sang lakat sang ila pangabuhi kag importante nga kaladtuan paagi sa dalanon.
Samtang, may namangkot kon ano gid ka daku nga rason ang speed limit agud maamligan naton ang nagatalabuk naton nga mga pumuluyo.
Ang aton sabat, sandig man sa pila ka pagtuon, amo nga wala sang direkta nga relasyon ang speed limit sa aksidente sa dalanon. Meaning, ang aksidente sa dalanon may nagakalain-lain nga kabangdanan kag ang overspeeding indi ang una nga kabangdanan sang mga aksidente.
Sa San Diego, mga isa lang sa tatlo ka bahin (one-third) ang matudlo sa overspeeding bilang kabangdanan sang aksidente sa dalanon.
Sa Pilipinas, ang nagapanguna nga kabangdanan amo ang DUI (driving under influence) – naka-droga ukon hubog – kag tungod sang reckless driving nga kon magmaneho, madasig man ukon mahinay, daw tag-iya sang dalan kag wala nagasunod sa regulasyon pang-trapiko.
Ang No. 1 nga aksidente sa dalanon sa Pilipinas, sunu sa Rappler, tuga sang mga motorsiklo – mga 50 ka porsyento gid, napatay man ukon nahalitan.
May madamo pa man nga rason kon paano nagakatabo ang aksidente sa dalanon – malain nga panahon, madanlog nga dalan, indi maayo nga disenyo sang dalan, gatuon pa lang mag-drive gapasumpit na, palumba sa dalanon, overtaking ukon wala nagakaigu nga pagsaylo sang lane, drayber kag mga pumuluyo man nga wala nagapasin-o sang mga regulasyon sa trapiko, etc.
Gani, sa tanan naton nga mga pumuluyo, ginapanugyan gid naton nga mag-amlig gid sa pagtabuk sa dalan. Indi pagdali-i ang kabuhi. Madamo pa nga kalipayan ang nagahulat sa aton nga bisan ang mga terorista indi makapugong. May mirisi man ina sila sa Ginoo sa pag-abot sang takdang panahon. Okey?/PB
[/av_textblock]
[/av_one_full]
