[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’60 ka miembro sang NPA nga nagsalakay sa Maasin PNP, ginkasohan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Friday, June 30, 2017
[/av_textblock]
[av_textblock size=” font_color=” color=”]
Syudad sang ILOILO – Ginkasohan na sang Iloilo Police Provincial Office (IPPO) kahapon sang hapon ang 60 ka mga miembro sang New People’s Army (NPA) nga nagsalakay sa Maasin PNP sadtong Hunyo 18.
Si Senior Supt. Marlon Tayaba, officer-in-charge sang IPPO, ang nagtindog nga testigo sa pagpasaka nanday PO3 Cheryl Saenz, PO3 Antonio Malones Jr., PO2 Andres Perez, PO2 Michael Maquiling, kag PO1 Nenette Estampador sang Maasin PNP sang kaso nga serious illegal detention (5 counts) sa Iloilo Hall of Justice kontra sa 60 ka mga rebelde.
Kaso naman nga direct assault upon agents in authority ang ginpasaka sa mga rebelde nanday PO3 Saenz, PO3 Malones, PO2 Hernando Aguilos Jr., PO2 Maquiling, PO2 Perez, PO2 Jonathan Jamelo, kag PO1 Estampador.
Nagapangatubang pa gid sang mga kaso nga robbery in band, tumults and other disturbances of public order kag paglapas sang RA 10883 (New Anti-Carnapping Act of the Philippines) ang 60 ka mga rebelde.
Samtang, sa 60 ka mga rebelde, 20 diri ang nakilala na sang IPPO sandig man sa testimoniya sang mga testigo.
“Yong fi-filan natin ng kaso are 20 identities and 40 John and Jane Does. Na-identify natin to based on positive identification ng witness, at the same time based on the picture line-up that we did. Itinuro nila ang 20 na ito na talagang nandoon sila na nagnakaw ng baril, sasakyan, belongings, at nagkulong at maltreats ng mga victims,” hambal ni Tayaba.
Sunu pa kay Tayaba nga ining 20 amo sanday:
* Joan Fajardo sang Mina, Iloilo
* Chiva Diaz alyas Jasmin/ Karen sang Lambunao, Iloilo
* Joven Ceralvo sang Igbaras, Iloilo
* Melvin Dayaday sang Dumarao, Capiz
* Mary Lyich Bocala alyas ELPHS sang Iloilo City
* Ronnie Canon alyas Ron sang Tubungan, Iloilo
* Romeo Esmediana sang Igbaras, Iloilo
* Joerey Cordero sang Alimodian, Iloilo
* John Rey Aguadao sang Alimodian, Iloilo
* Alyas Gamay Montefrio sang Maasin, Iloilo
* Karma John Suarez sang Calinog, Iloilo
* Leisle Bandiola sang Tapaz, Capiz
* Alyas Ruby sang Tapaz, Capiz
* Lani Gardose sang Tapaz, Capiz
* Christy Cabales sang Tapaz, Capiz
* Alyas Niel sang Igbaras, Iloilo
* Randy Canoy Garnica sang Tapaz, Capiz
* Erver Buencochillo sang Igbaras, Iloilo;
* Levy John Palencia sang Dumarao, Capiz, nga tag-iya sang Isuzu elf truck.
Siling pa ni Tayaba nga nakilala ang mga rebelde matapos ang 10 ka adlaw nga pag-imbestigar sandig man sa testimoniya sang ila mga testigo, mga pulis nga biktima kag mga pulis nga yara man sa lugar sang natabo ang insidente.
“Kaya nga umabot tayo ng sampung araw na pag-imbestiga para ma-determine natin kung sino to sila. Identified natin to sila based on accounts of the witnesses, police officers whore are victims and other police officers who are in vicinity,” dugang ni Tayaba.
Ginkumpirma man niya nga ang nakilala nga 20 ang lunsay mga miembro sang CPP-NPA kag nadesignar sa southern kag central front.
“Itong 20 na ito members of CPP-NPA. This is our member southern front and central front. Yes, verified yan, posible identity and pinpointed not only 1, 2,3 police officer but almost police officer that engaged with,” sunu kay Tayaba.
Bangod sini, pangitaon sang IPPO ang nasambit nga 60 ka mga miembro sang NPA para i-serbe ang warrant of arrest kon maka-isyu na ang korte.
“Hanapin natin sila and the moment palabas ‘yong warrant of arrest, we will implement the warrant. Titingnan natin ang progress ng case. For now, they have five cases that will be filed against them,” panigurado ni Tayaba.
Matandaan nga napuhag ang bug-os nga probinsya sang ginsalakay sang indi magnubo 40 ka mga armado nga katapo sang NPA ang Maasin PNP.
Nagsulod sa istasyon nga ginadumala ni Senior Inspector Ray Cordero ang duha ka mga babaye nga ginapatihan mga miembro sang rebelde para magpakuno-kuno nga mapa-blotter.
Makaligad ang pila ka ginutlo, nag-abot ang mga kalalakinhan nga nagasuksok sang duag green nga t-shirt kag may tabon ang iban sa mga nawong kag armado sang malagba nga mga pusil. Gingapos sang mga rebelde ang duha ka pulis nga nagabantay sa gwa sang istasyon kag ginsunod ang duha ka pulis nga babaye nga yara naman sa sulod.
Ginpahapa man nila ang apat ka mga pulis kaupod ang lima ka iban pa nga naga-duty sadtong mga tinion kag gintutokan sang iban nga mga rebelde sang ila armas.
Dugang pa, ginpangkuha man nila ang walo ka mga M16 armalite rifles, apat ka glock 9mm pistols, lima ka handheld radio, isa ka base radio, duha ka laptop, mga alahas, kag kwarta nga P25,000 sang mga priso.
Matapos ini, gilayon nga nagsakay ang mga rebelde sa nagahulat nga elf truck nga may tabon nga tela pero antes sila nagpalagyo gintaban man nila ang Hilux patrol sang Maasin PNP./PB
[/av_textblock]
[/av_one_full]
