[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Negosyante ginhold-ap sa Sara’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nabiktima sang hold-aper ang negosyante nga babaye alas-8:30 sang Lunes sang gab-i sa Barangay Lanciola, banwa sang Sara, Iloilo.
Sa imbestigasyon sang Sara Police Station, halin sa merkado sang Sara si Christine Lagura, legal ang edad kag taga-Brgy. Crespo, Sara, upod ang 10-anyos niya nga bata nga babaye kag nagapauli na sa ila balay sakay sa motorsiklo sang ginbalabagan sila sang duag orange nga motorsiklo sa madulom nga porsyon sang Brgy. Lanciola, Sara.
Sang nagpundo ang motorsiklo ni Lagura, nag-gabot sang 12 gauge shotgun ang wala nakilal-an nga lalaki kag nagdeklarar sang hold-ap kadungan sang pagbutong sang sling bag sang biktima nga naga-unod sang P30,000 nga cash.
Gintaban pa gid sang hold-aper ang cellphone sang biktima nga nagabili sang P15,000 kag relo nga balor P8,000 kag nagpalagyo padulong sa direksyon sang Brgy. Malapaya, Sara.
Nagapati naman ang Sara PNP nga ginsundan na ang biktima sang hold-aper halin sang nagsulod ang nauna sa merkado para magbisita sa iya puesto sa diin nagabaligya sila sang frozen products.
Samtang ginasulat ini nga balita, padayun pa ang pag-imbestigar sang Sara PNP sa insidente para makilala ang naghold-ap sa biktima./PB
[/av_textblock]
[/av_one_full]
