[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’BANA NANGIMON, GINTIRO ANG ASAWA ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang asawa matapos gintiro sang bana nga mangungoma nga naghikog man dayon paagi sa pagtiro sa iya kaugalingon apang nakaluwas sa Brgy. Baquid, Syudad sang Guihulngan, Negros Oriental mga alas-otso sang gab-i sang Lunes.
Ginkilala ni Supt. Arnel Arpon, hepe sang Guihulngan City PNP, ang biktima nga si Marcela Montealegre, 52. May pilas ini sa lawas nga gintunaan sang iya gilayon nga kamatayon.
Nakilala naman ang suspek kay Remenchu Montealegre, 52. Sang makita sini nga natumba ang iya asawa kag nagapaligo sa kaugalingon nga dugo, iya man gintiro ang iya tuo nga dughan gamit ang .357 Magnum.
Dali-dali nga gindala si Remenchu sa ospital sa syudad apang ginliton sang ulihi sa Negros Oriental Provincial Hospital sa Syudad sang Dumaguete,
Sunu kay Arpon, madugay nga wala nagkitaay ang mag-asawa bangod sa kasako sang bana sa panguma. Nagaduda man ang bana nga may lain nga lalaki nga ginatabu ang iya asawa.
Sang matabo naman ang insidente, naglahogay pa ang mag-asawa kag nag-ingos ang bana nga mahulid sa asawa apang na-akig ang ulihi, gani nag-init man ang ulo sang bana. Sunu sa kapulisan, nagbatyag ini sang pagpangimon sa suspetsa nga may lalaki ang iya asawa rason nga natirohan niya ini.
Sa subong, padayun pa nga ginabulong ang bana sa ospital kag sunu kay Arpon ila na ginahanda ang kaso nga parricide batok diri./PB
[/av_textblock]
[/av_one_full]
