[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Suspek sa pagpatay sa mag-iloy sa Btac Nuevo nagsungka ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nagsungka na alas-2:20 sang kaagahon kahapon ang suspek nga nagbunu-patay sa mag-iloy sa Barangay Tiwi, Barotac Nuevo, Iloilo.
Si Efren Descutido y Dablo, 52, kasado kag residente sang Brgy. Tiwi, Barotac Nuevo, ang nagpadulong sa balay sang iya utod nga si Lea To-ong.
Bangod sini, sunu kay Chief Insp. Raymond Celoso, hepe sang Barotac Nuevo Municipal Police Station (MPS), gintawgan sila sang utod sang suspek para ipahibalo nga masungka na ini.
Upod naman si kapitan Antonio Bersales, nagpadulong si Celoso kag ang iya tropa sa balay ni To-ong kag gin-aresto ang suspek.
Posible man subong nga adlaw na ipasaka ang kaso nga double murder kag frustrated murder kontra sa suspek.
Nahibaluan nga ginpangbunu-patay sang suspek mga alas-5:45 sang Miyerkoles sang hapon ang mag-iloy nga Nelly Bretaña, 84, kag Lilibeth Silvederio, 52, nga lunsay nakaagom sang patal nga mga samad sa lawas.
Samtang padayun naman nga ginabulong sa Western Visayas Medical Center ang bata ni Silvederio nga si John Keneth, 13, nga nabun-an man sang suspek.
Nag-gwa pa sa report sang Barotac Nuevo MPS nga nagbaisay ang suspek kag si Bretaña bangod sang ginbakal nga duta sang mag-iloy malapit sa ginatindogan sang balay sang suspek.
Nagsingki ang pagbaisay tubtob nga ginpulihan sang magpamilya ang suspek rason sang posible pagpalangdulom sang panulokan sini kag ginpangbunu ang tatlo ka mga biktima./PB
[/av_textblock]
[/av_one_full]
