[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki gintiro sang bayaw ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ospital ang gintup-an sang isa ka lalaki matapos nga gintiro sang iya man lang bayaw sa Sitio Bayog, Barangay Mostro, Anilao, Iloilo alas-5:30 sang Huwebes sang gab-i.
Mga pilas sa tuo nga bahin sang lawas, tiyan kag wala nga tiil ang naangkon sang biktima nga si Federico Aquino Jr., 48, kag residente sang Brgy. San Carlos, Anilao. Una sia nga gindala sa Don Jose S. Monfort Memorial Hospital sa Barotac Nuevo apang ginsaylo sang ulihi sa Western Visayas Medical Center.
Sa imbestigasyon sang Anilao Municipal Police Station (MPS), sakay sa iya motorsiklo ang biktima halin sa Brgy. Mostro padulong sa Brgy. Palaypay, Anilao pero pag-abot sa Sitio Bayog, ginbalabagan ini sang suspek nga si Natchyz Apais, 62, sang Brgy. Palaypay, Anilao kag ginyudyod tubtob nga gintiro sini sang makaduha ka beses ang biktima gamit ang kalibre .45 nga pusil.
Sang nakit-an na sang suspek nga natumba ang biktima, ginpasundan pa gid niya sang isa ka tiro kag gilayon nagpalagyo padulong sa Brgy. Balabag, Anilao.
Narekober naman sang kapulisan sa ginluntaran sang krimen ang lima ka mga basiyo sang kalibre .45 nga pusil.
Samtang daan nga hiligut-anon ang ginasundan nga motibo sang Anilao MPS sa nagluntad nga krimen./PB
[/av_textblock]
[/av_one_full]
