[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’P65-M NGA PIRATED DVDS, CDS NAKUMPISKAR ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginkibot sang opisina sang Optical Media Board (OMB) ang mga nagabaligya sang pirata nga mga DVD kag CD halin sa Delgado Street pakadto sa Ledesma tubtob sa Valeria Street sa City Proper sa ila ginkasar nga raid kahapon sang hapon.
Bangod sang pagbayolar sa RA 9239 ukon Optical Media Act of 2003 (An act regulating optical media, reorganizing for this purpose the videogram regulatory board, providing penalties therefor, and for other purposes), ginpangunahan ni Atty. Anselmo B. Adriano, tsirman sang Optical Media Board (OMB)-Manila, ang operasyon kon sa diin naglab-ot sa 466 ka mga sako sang pirata nga mga DVD kag CD ang nakumpiskar sa 24 ka nagakuridas nga mga kiosko sa nasambit nga mga dalan.
Pero sunu kay Adriano nga wala sang na-aresto sa ila operasyon matapos nga lunsay mga nagabantay lamang ang ila naabtan sa mga baligyaan.
“Wala ang may-ari, lahat ng bantay walang alam,” hambal ni Adriano sa interbyu sang Aksyon Radyo Iloilo.
“Marami etong nakumpiska namin. This amount to millions. Mamaya pa kami magsagawa ng final inventory at doon lang malalaman if magkano ‘yong value,” dugang ni Adriano.
Sandig naman sa impormasyon nga nakuha sang Panay Balita pasado alas-siete kagab-i sa Iloilo Police Provincial Office, nagabalor tanan sang P65,240,000 ang nakumpiskar nga pirata nga mga DVD kag CD.
Indi man sini mahambal kon bala may paktorya sang pirata nga mga DVD kag CD sa syudad apisar nga nagarekober sila sang mga kagamitan sa pagpamirata sang pelikula.
“Madali naman bilihin ang gamit. All you need is computer, CPU and CD drive na available na sa mga shop. Mag-install ka lang ng CD burner,” dugang pa ni Adriano.
Samtang ginasulat ini nga balita, ang nakumpiskar nga mga DVD kag CD yara sa kustodiya sang IPPO kag natalana nga dal-on sa Manila para magserbe nga ebidensya kag pagkatapos, wasakon na ang mga ini.
Samtang wala naman nalikawan sang iban nga mga Muslim nga nagabaligya sang ginapasuni pirata nga mga DVD kag CD nga kwestiyunon ang operasyon sang OMB bangod nga may nagakaigu man sila nga permit.
Pero siling ni Adriano nga may posibilidad nga wala makahibalo ang pangulohan sang syudad nga ang ginabaligya sang mga ini amo ang pirata nga mga DVD kag CD.
“May possibility na baka naman nag-apply sila ng permit hindi nila dini-declare na tinitinda nila pirated,” eksplikar pa sang OMB chairman./PB
[/av_textblock]
[/av_one_full]
