[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Defensor: Wala power shortage sa Iloilo!
SA panugdaon mismo ni President Rodrigo Duterte, siya nagsiling nga ang kontribusyon sang Pilipinas sa Global Warming, ukon ang sobra nga pag-init sang kalibutan, gamay gid lang kaayo.
Ang World Wide Fund for Nature (WWF) – Philippines nagpabalo gani nga sa Pilipinas mga 0.35 porsyento lang ang greenhouse gas (GHG) emissions, nga amo ini ang nagapainit sang palibot, kon i-kumparar sa yara sa kabug-usan sang kalibutan.
Ang mga GHG emission mga polusyon ini sa hangin nga nagalakip sang carbon dioxide nga ginaginhawa pagwa sang tawo, methane nga masami makuha sa basurahan, kag ang makuha sa pag-producir sang fossil fuel halin sa coal, petrolyo kag natural gas.
Sa banta mismo sang mga siyentipiko, mangin daku gid kaayo ang halit sining Global Warming kon magsaka pa ang init sa kalibutan sa sobra duha ka gutlo Centigrado (2 degrees Centigrade).
Sa subong gani nga ang kainiton nagsaka na sa 1.8 degrees C, natonaran na ang dugang nga halit sang pagbag-o sang panahon. Nagasaka na ang dagat sa hunasan sa sige pagtunaw sang yelo sa Antartica, nagabaskug ang mga bagyo, masami na ang pagluntad sang malapnagon nga pagbaha nga ginasundan sang malawig nga pagmala sang duta (drought), nangin-masako ang paglinog, nagdugang ang pagluntad sang mga balatian, kag iban pa nga problema.
Ang buot silingon bala sini amo nga wala kita dapat kabalak-an sa Pilipinas sa sining kadyot nga problema sa GHG emissions bisan sige ta gihapon sa paggamit sang fossil fuel sa aton power plants?
Ang WWF-Philippines nag-admitir nga matuod gid man nga diutay gid lang ang aton kontribusyon sa GHG emissions. Ugaling, nagadugang man kita sang problema sa bisan aton gamay nga kontribusyon sang GHG emissions kag tungod gadaku man ini sa sige uswag sang aton ekonomiya, pagpadamo sang aton populasyon, kag nagadaku nga kinahanglanon sa gatong sang aton mga salakyan kag makinarya nga nagabuga sang GHG.
Tungod sini, samtang una nagpamalibad si Presidente Duterte sa pagpirma sa Paris Agreement agud ibanan ang mga GHG emissions sang mga nasyon, sang ulihi nagpasugot na gid lang siya sa pagpirma sini.
Ugaling, tungod nakita niya ang pagkakinahanglan sang enerhiya nga gina-producir gihapon sang fossil fuel, na-obligar man siya nga pasugtan ang paggamit sini, samtang ang programa sa renewable energy halin sa adlaw (solar energy), wind kag hydro power, biomass, kag iban pa indi pa lubos mapasanyog.
Naglaygay siya ugaling nga amligan lang ang paggamit sining mga gatong agud indi lubos makapanghalit sa padayon nga research and development (R&R) katulad sa pag-producir sang “clean coal” kag “more efficient” fuel.
-0-0-0-
Sa sini lang nangin daku nga problema ang padayon nga brownout sa Iloilo, labi na gid sa ILECO I, kag amat-amat nga nangutana ang iban kon ngaa. Nag-suspetso pa ang iban nga basi may power shortage kita katulad sang nagakatabo sa Mindanao.
Ginpangin-wala ini sang mga general manager (GM) sang tatlo ka ILECO – I, II kag III – sa ila meeting kay Governor Arthur Defensor, Sr. sadtong Hunyo sang sining tuig.
Gintudlo nila ining brownouts kag power interruptions sa malain nga panahon, mga kahoy nga nagasabad sa mga power lines, kag ang pagsaylo sang mga electric poles kag dugang nga mga linya tungod sa road widening kag pagtuhaw sang mga bag-o nga mga subdivision.
Nagtugda pa gid gani si Defensor nga gasulobra lang ang kuryente sa Iloilo.
Ginmuno niya gani ang Palm Concepcion Power Corporation (PCPC) nga natalana mag-operate sang nagligad pa nga tuig.
Ining PCPC power plant isa ka 135-megawatt circulating fluidized bed combustion power plant sa Barangay Nipa, banwa sang Concepcion.
Si Presidente Duterte mismo ang nanguna sa ceremonial inauguration sang PCPC coal-fired power plant sadtong Nobyembre 2016.
Samtang, sige ang pagpauswag man sang aton pungsod sa pag-producir sang renewable energy halin sa adlaw (solar energy), wind and hydro power, biomass kag iban pa.
Sa karon, ang target naton sa mix power amo ang 70 % sang fossil fuel kag 30% sang renewable energy. Mangin 60-40 ini sa 2030.
Samtang man, ang Negros may pagbugal na gani sa pag-anunsyo nga 100% na sila nagagamit sang renewable energy halin sa solar energy kag biofuel halin sa biomass./PB
[/av_textblock]
[/av_one_full]
