[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Gold medalist sa boksing dakop sa drug bust ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Nadakpan sang Sagay City PNP ang anay gold medalist nga boksidor sa Philippine National Games kag Batang Pinoy nga nagrepresentar sa Negros Occidental sa buy-bust operation sa Purok Crotons, Brgy. Old Sagay sa Syudad sang Sagay.
Sunu sa kapusalisan, ang suspek nga si Arnold Mahusay Jetajobe, 22, may asawa kag taga-Purok 9, Brgy. 1 Poblacion sang amo nga syudad gindakop mga alas-5:35 sang Hulyo 26 sang hapon.
Nakuha sa iya paghinakop ang 14 ka gagmay nga sachets sang ginapasuni shabu nga may balor P3,500, lakip na ang buy-bust item kag P300 nga marked money.
Ginkumpiskar pa gid sa suspek ang P120 nga sinsilyo kag isa ka cellphone. Priso na sia karon sa lock-up cell sang Sagay City PNP.
Sa interbyu naman kay Jetajobe, siling niya nga ginasugo lang sia nga ihatag ang droga sa tawo nga ginatudlo sang nagahatag sa iya sang shabu sa baylo sang kwarta. Dugang pa niya nga indi man nila kilala ang tawo nga nagahatag sa iya kag ang hatagan niya sang droga.
Nahibaluan nga si Jetajobe nag-untat sa pagboksing mga duha na ka tuig ang nagligad kag nagabaligya na lang sang “chicken joy” sa higad dalan sa Syudad sang Sagay./PB
Retirado nga US Navy naghikog sa Negros
Ni Cyrus M. Garde
Syudad sang BACOLOD – Nasapwan na lamang sang iya asawa ang retirado nga US Navy nga nagakabit sa salsalon nga hagdanan sa ila balay sa Kalye Mabini, Brgy. Zone 4, Syudad sang Cadiz, Negros Occidental mga alas-4:30 sa kaagahon kahapon.
Ginkilala ni Chief Inspector Rocky Desear, OIC sang Cadiz City PNP, ang biktima nga si Diogracias Afable Salud, 64.
Sunu pa kay Desear nga paha ang gingamit ni Salud sa paghikog nga ginhigot niya sa iya liog.
Ginhingangaw pa sia dala sa Cadiz City Emergency Clinic apang ginlawag patay pag-abot didto sang nag-atendir nga mga doktor.
Sunu naman sa asawa, may problema psychological ang iya bana kag posible amo ato ang nagtulod sa iya nga maghikog./PB
[/av_textblock]
[/av_one_full]
