[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panaugdaon ni Matt ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao E. Mateo Jr.
[/av_heading]
[av_textblock size=” font_color=” color=”]
BFAR, puede madugangan
patrol boats sang Iloilo?
GINAPAABOT ta ang mas mabaskug nga pagpakig-away sa illegal fishing sa sining paghilisugot sang mga gobernador sang Visayas sa isa ka Covenant of Commitment and Cooperation (CCC) batok sini.
Angut diri, gintukod ang Fisheries Management Area (FMA) nga buylog pagadumalahan sang apat ka mga probinsya sa palibot sang Visayan Sea – Iloilo, Negros Occidental, Cebu kag Masbate nga nahamtang sa Rehiyon 5, 6 (sakop ang Negros Occidental nga karon sakop na sang Rehiyon 18 upod sa Negros Oriental), kag 7.
Ining mga gobernador naghiwat sang miting sadtong Hulyo 22 sa Sicogon Island, Carles, Iloilo nga isa sa mga nagapanguna nga tourist attraction sa Nakatundan nga Visayas.
Yara sa sining miting sanday Gob. Arthur Defensor, Sr. sang Iloilo kag Gob. Alfredo Marañon, Jr. sang Negros Occidental nga wala bulubalikid nga nagpirma sa CCC. Si Gob. Jun Davide, Jr. sang Cebu nagpadala lang sang representante, samtang si Gob. Antonio Kho sang Masbate wala makatambong bisan ginapaabot man siya.
Si Director Eduardo Gongona nagpirma sa covenant para sa Bureau of Fisheries and Aquatic Resources, ukon BFAR.
Yara man sa sining miting ang Special Counsel of the Ombudsman for Environmental Law nga si Atty. Antonio Oposa, mga mayor sang Northern Iloilo, ang Philippine Coast Guard kag iban pa nga mga stakeholders.
Ang BFAR nagpaseguro sang iya bulig sa madamo nga bagay, katulad sang funding, training sang mga bantay dagat, lakip na ang paghatag sang isa ka daku nga patrol boat nga magabantay sa kabug-usan sang Visayan Sea.
Ginpangabay man niya ang mga local government units (probinsya, siyudad kag munisipiyo) sa pagpasar sang mga ordinansa nga makapasanyog kag maka-protejer sang dunang manggad sa kadagatan sang Visayan Sea.
Parte naman sa ginahimo sang BFAR sa iban nga lugar sa pungsod, nahibal-an naton nga sa subong ginapasanyog sini ang Bantay Laot Program sa Rehiyon XI (Davao Region).
Ang Davao City ang pilot area sa sining programa. Sadtong Hunyo 23, 2017 nanagtag gani ang BFAR sang cash incentives sa mga sea guardian ukon sea watcher nga nagalakip sang 578 ka mga mangingisda halin sa 23 ka barangay sa Davao City sa idalom sa sining programa Bantay Laot. Tag-Php1,000 tubtub Php 2,000 kada mangingisda.
Ining cash incentives ginhatag sa mga magagmay nga mangingisda agud magbantay batok sa nagapangisda bisan sa closed season, ukon sa panahon nga indi tugot ang pagpangisda diri sa kadagatan sang Davao Region.
Sadtong Agosto 17 sang 2016, and Department of Agriculture sa idalom ni Secretary Emmanuel Piñol, nanghatag gani sang 300 ka fiberglass boats sa 600 registered fisherfolk sa Philippine Fisheries and Develoment Authority XI sa Toril, Davao City.
Tani matagaan man sang BFAR ang aton mga mangingisda sa Iloilo sining fiberglass boats. Nami guro no?
Ugaling, mas gustuhon naton ang dugang nga patrol boats, tutal madamo man nga fishing boats ang na-donar na sang probinsya kag mga non-government organizations sa nangin biktima sang Bagyo “Yolanda.”
Ang Iloilo, sunu kay provincial administrator Dr. Raul Banias, may lima gid lang ka patrol boats sa malawig kaayo nga coastal area sang Iloilo halin sa Carles tubtub sa San Joaquin.
Puede makapangayo dugang nga patrol boats para sa Iloilo, mga sir kag ma’am sa BFAR?/PB
[/av_textblock]
[/av_one_full]
