[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Impresyon batok numero
TIMPRANO pa nagadali na gid ang iban nga magbulos sa pwesto sa syudad sang Iloilo. Tanan nga padihot himuon na lang agud magguba ang nagapungko nga opisyal.
Klaro pa sa silak sang adlaw sa tag-ilinit ang malapnagon nga tikang agud magguba ang focus sang pamunuan ni Mayor Jed Patrick Mabilog. Maathag nga indi na ini kampanya kontra sa ilegal nga droga kundi politika.
Kun ikaw isa ka patas manumdom nga klase sang Ilonggo kag diri ka gid nagapuyo sa Iloilo, makasiling ka bala nga mas malala ang ilegal nga droga sa syudad kun ipaanggid sa iban nga syudad sa pungsod?
Makasiling ka bala nga durogista ang mga politiko sa Iloilo?
Sining karon lang na0interview si Chief Inspector Jovie Espenido kag nagpahayag sya nga gusto nya ma-assign sa Iloilo. Pero kun natalupangdan ninyo, indi direkta nga naghalin kay Espenido ang estorya. Gin-lead sya sang anchor sa amo sini nga direksyon.
Diin naghalin ini nga idea sang anchor? Ini sa mga viral posts sang mga Ilonggo nga nagalaway nga laglagon ang iban para sila naman ang makabulos. Maathag nga kaangay sila sang baboy nga ginadis-og ang kaupod nga baboy palayo sa pasungan agud sya naman ang makapagusto ungad sang bahog.
Masakit sa isa ka Ilonggo nga ang kapareho nga Ilonggo amo ang nagapinta sang malain nga imahen sang syudad. Ang masakit pa gid kay wala gani ang iban sa ila nagapuyo sa Iloilo. Nagapati lang sila sa mga nagalapta nga posts sa social media.
Mabudlay ang away subong sang syudad bangud wala ginapatihan ang ginapagkit nga numero. Padayun nga ginapadabong ang malain nga impresyon nga natanum sa hunahuna sang iban. Ti-on na ini sa mga nagahipos lang apang matarong nga tawo nga depensahan ta ang aton syudad. Immaterial na diri kun sin-o man ang mayor. Ang nakataya diri amo ang ngalan sang syudad nga pilit ginaguba bangud sang personal nga interes sang iban.
Siguro nagabayad lang man ang atun lokal nga opisyal sa ila ginhimo sadtong 2016 election. Amligan naton ang syudad. Indi na lider lang ginaguba subong sang politika sa Iloilo. Pangkabilugan na nga  pagguba ang nagakatabu. Ngaa indi pagpatihan sang President ang numero nga ginapasa sang pulis kag Philippine Drug Enforcement Agency (PDEA)? Ina bangud nga tuhay na ang nakatanum nga binhi sang pagpati sa iya paminsaron.
Apelar naton sa mga Ilonggo, indi kita magpang-agda sang kakahas sa atun duog. Sa baylo magbulig kita sa pagpalapnag sang matuod nga nagakatabu sa syudad. Indi kamo magpati sa mga tawo nga mabakas magpalapnag sang kabutigan kag kakahasan sa social media. Usisaa ninyo ang ila matuod nga pagkatawo kun sin-o gid sila.
Indi na ini kawsa sang politiko. Kawsa ini sang mga Ilonggo nga pangapinan ang syudad bangud nga ginaguba na ang imahen sa iban nga lugar. Indi kinahanglan nga magpatulo sang dugo agud mapamatud-an ang punto kag kawsa. Makalolooy man ang mabiktima sang dalit sang pulitika. (jfranco1975@yahoo.com/PN)
[/av_textblock]
[/av_one_full]
