[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI JOEL FRANCO
[/av_heading]
[av_textblock size=” font_color=” color=”]
Magarot nga partido
MALAYO pa ang eleksyon masako na ang partido administrasyon nga PDP-Laban sa pagtipon sang ila pwersa.
Dominggo, ginpasumpa ni House speaker Pantaleon Alvarez ang halos lima ka libo nga bag-o nga katapo sang partido. Kaupod diri nga nagsumpa ang mga opisyal sang isla sang Guimaras sa pagpanguna sang ila kongresista, gobernador, bise gobernador kag mga alkalde.
Diri sa syudad sang Iloilo nagsumpa ang mga city councilors nga sanday Eduardo Peñaredondo, Candice Tupas, Lady Julie Grace Baronda, Liezl Joy Zulueta-Salazar, Armand Parcon, Jay Epraim Treñas III, Ely Estante, Mandrei Malabor, kag ex-officio councilor Reyland Hervias. Wala naman nagsumpa sanday councilors RLeone Gerochi , Jeffrey Ganzon kag Joshua Alim.
Nagtambong man si Mayor Jed Patrick Mabilog, Gov. Arthur Defensor Sr., Cong. Arthur “Toto” Defensor Jr. kag Vice Mayor Jose Espinosa III apang wala sila nagsumpa sa partido.
Sa pagbanta, halos lima ka libo ang nagtambong agud magsumpa sa partido. Siling sang isa ka barangay kapitan, “Masumpa kita kay amo man na siling nila. Wala kita sang mahimo.” Buot silingon, napilitan lang sila nga magsumpa kay naghambal si Cong. Jerry Treñas.
Sa pihak sang pag-alalawas sang mga nagsumpa sa PDP-Laban sa Iloilo Convention Center (ICon) indi sini mapanas ang isyu sang pagbinahin-bahin sang partido bisan sa nasyonal. Nadumduman nyo bala nga nakigkita si Councilor Jefrrey Ganzon kay President Rodrigo Duterte kag siling nya sya na kuno ang kilalahon nga lider sang PDP-Laban sa syudad sang Iloilo?
Nadumduman nyo man bala nga sining karon lang nagsumpa man si Dr. Pacita Gonzalez, ang ti-ayon ni anay congressman kag Justice secretary Raul Gonzalez Sr., kay Senate President Aquilino “Koko” Pimentel Jr.? Siling ni Gonzalez sya na ang ginakilala nga lider sang partido sa syudad.
Pero anay ka, ngaa siling ni Alvarez, wala sya nakahibalo sa pagsumpa ni Gonzalez kay Pimentel kag pagpalapit ni Ganzon kay Ppresidente?
Panindugan ni Alvarez, ang iya lang ginpasumpa sadtong Dominggo amo ang ginakilala nga katapo sang PDP-Laban diri sa syudad sang Iloilo. Ay, kagarot nga klase ka partido ini. Malayo pa ang election pero nagaplastar na sa gyera sang pulitika.
Hay abi antes kamo mag-recruit sa idalum kaayuha nyo anay ang liderato sang partido. Abi Congressman Alvarez estorya kamo ni Senator Pimentel. Indi nga nagapaindis-indis kamo tipon sang mga sinakpan nyo. Pagtarunga ninyo anay ang tanan sa ibabaw antes kamo manaog sa idalum.
P.S. Kanami sang shorts kag sandals mo sa oath-taking, Speaker!/PN
[/av_textblock]
[/av_one_full]
