[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Mga armas, bala narekober sa balay sang SB sec sang Sara ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nakapalagyo ang Sangguniang Bayan (SB) secretary sang Sara, Iloilo nga gin-subject sa raid sang mga pulis sa Barangay Antonio Yusay, Sara sang Huwebes sang hapon.
Ginkilala ini kay James Balsomo y Garson alyas Jaguar, legal ang edad, kasado.
Sa impormasyon nga ginhatag sa Panay Balita ni Chief Insp. Charlie Sustento, hepe sang Ajuy PNP kag team leader sang Provincial Special Operations Group Team 3, nagpadulong sila kaupod ang mga tinawo sang Public Infantry Battalion sang Iloilo Police Provincial Office, Iloilo Provincial Public Safety Company kag Sara PNP sa balay ni Balsomo para i-serbe ang search warrant sa pagbayolar sang RA 10591 ukon Comprehensive Firearms and Ammunition Regulation Act nga gin-apply nila kay Hon. Judge Rogelio Amador sang Regional Trial Court, Branch 68 sa Barotac Viejo, Iloilo.
Pero dimalas nga nakapalagyo si Balsomo paagi sa paglumpat sa pader sa likod sang ila balay sang namutikan ang presensya sang mga pulis.
Narekober naman sang mga pulis sa balay ni Balsomo ang 39 ka fired cartridge sang caliber .45, anum ka mga bala sang 5.56 rifle, isa ka live ammunition sang 7.62 rifle, isa ka live ammunition sang caliber .9mm, apat ka fired cartridge sang caliber 9mm, 2 ka holster, isa ka firearm silencer, isa ka garanada, apat ka medium size sang ginapatihan laya nga dahon sang marijuana, kag bundle sang empty plastic sachets.
Sunu pa kay Sustento sa interbyu sang mga katapo sang media nga si Balsomo ang ginakabig nila nga High Value Target Level 2 drug personality kag nadala sa listahan sang Directorate for Intelligence sa Campo Crame.
Nag-gwa man nga si Balsomo ang gina-alegar down line ni Master Pedic Balume sa idalom sang Odicta Drug Group, siling ni Sustento./PB
[/av_textblock]
[/av_one_full]
