[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Balay sa Btac Nuevo nakuhaan shabu, pusil ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nakuhaan sang ginasuspetsahan shabu kag pusil ang isa ka lalaki nga subject sa raid sa Barangay Tubungan, Barotac Nuevo, Iloilo alas-12:05 sang hapon kahapon.
Ginkilala ang subject sa operasyon nga si Rene Doctora y Pelayo, 58, kasado kag residente sang nahinambitan nga barangay.
Sandig sa report sang Barotac Nuevo PNP, armado ang Barotac Nuevo PNP sa pagpamuno ni Chief Insp. Raymond Celoso kag Provincial Drug Enforcement Unit Team 2 sa pagpamuno ni Senior Insp. Bonifacio Alabe Jr. sang search warrant para sa kaso nga paglapas sa RA 9165 ukon Comprehensive Dangerous Drugs Act of 2002 nga pirmado ni Hon. Vicente Go, presiding judge sang Regional Trial Court, 6th Judicial Region, Branch 68 sa P.D Monfort North, Dumangas, Iloilo sang ila ginsalakay ang balay ni Doctora.
Narekober sang mga pulis sa subject ang walo ka mga plastic sachets sang ginapasuni shabu, apat ka improvised plastic pipes, isa ka plastic bag, lima ka cellphone, digital weighing scale, kag kahita nga naga-unod sang P7,000.
Nakuhaan man dugang si Doctora sang isa ka unit sang .45 caliber pistol, duha ka magazine, 28 ka mga bala, holster, kag bullet vest.
Nag-gwa pa sa report sang kapulisan nga si Doctora madugay na nila ginabantayan matapos nga nadalahig ang pangalan sini sa pagduso sang ilegal nga droga.
Nahunong na subong ang suspek sang karsel sang Barotac PNP para sa nagakaigu nga disposisyon sang iya kaso./PB
*****
[/av_textblock]
[/av_one_full]
