[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Mag-utod naglab-anay, 2 pilason ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Pilason ang duha ka mag-utod sang ginlabu sang ila man utod sa Hacienda Chloe, Barangay Rizal sa Syudad sang Sagay, Negros Occidental mga alas-9:30 sang Huwebes sang gab-i.
Ginkilala ni Chief Inspector Robert Mansueto, officer-in-charge sang Sagay City PNP, ang mga biktima nga sanday Lorenzo Capitle, Jr., 30, soltero, kag Edmund, 34, soltero.
Ang ginatudlo naman suspek amo ang ila magulang nga si Ramel Capitle, 38, may asawa.
Sunu kay Mansueto nga ang tatlo yara sa impluwensya sang makahulobog nga ilimnon sang nagluntad ang ila pagbangigay angut sa kon sin-o ang manag-iya sang ila balay bangod ang luyag nanday Ramel kag Edmund amo nga pahalinon si Lorenzo.
Apang wala nagsapak sa ila si Lorenzo rason nga nagkuha si Ramel sang wasay kag ginhan-os sa nauna nga naigu sa nawong.
Pagkakita ni Edmund sang natabo, nagtambag sia apang ginhan-osan man sia ni Ramel sang basiyo sang botelya sa nawong.
Ginabulong pa subong ang mga biktima sa balay-bulolngan sa nasambit nga syudad samtang gindakop naman sang mga pulis ang suspek nga priso na sa Sagay City PNP./PB
[/av_textblock]
[/av_one_full]
