[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI ROBERTO ‘BERT’ LADERA
[/av_heading]
[av_textblock size=” font_color=” color=”]
NATUBLAG SA BANSAG
Bisan paano, nabatian sang damlag lang ang pag-ingaw sang tingog sang mga negosyante sa Syudad sang Iloilo.
Nagahingyo nga untatan na ni Presidente Rodrigo Duterte ang paglawag sa Iloilo bilang “shabulized” kag bilang “bedrock” sang ilegal nga droga.
Nasakitan ang mga negosyante kag nakaapekto na kuno sa nga negosyo ilabi na sa mga yadtong nagahatag sang akomodasyon sa mga bisita nga luyag maghiwat sang ila pagtililipon ukon sinapol sa Syudad sang Iloilo.
Nahibaluan nga sadtong una nga ginbungat ni Presidente Duterte ang mga tinaga, naghatag man sang reaksyon ang mga negosyante apang masyado ka hinay sang ila tingog kag reaksyon lang ang nabatian apang wala man sang klaro nga may naapektohan.
Mismo ang City Tourism Office sadto nagsiling nga wala sang epekto sa turismo kag mas naganyat pa ang iban nga mga tawo nga magpadulong agud hibaluon kon ngaa ginbansagan ang Syudad sang Iloilo.
Ang tanan nga mainit, nagatahaw. Naglipas ang panahon nga nagkanay na ang tanan, liwat nga gintawag nga “bedrock” sang ilegal nga droga. Sa kinaandan, may naghatag sang ila reaksyon apang wala man naglawig.
Liwat nga nagbalik sa matalunsay nga pagsinarayo kag sige ang sulod sang kwarta sa kaban sang mga negosyante, nabuyo sila sang iskutinyo sa ila pilak kag wala na nalipatan na ang mga natabu nga pagbansag.
Kaangay sang pilas nga nagahimali, nagakatol kag aton ginakarabkab ang iya nga kugan.
Liwat nga nagtukal ang pilas sang masami na nga ginatumod ni Presidente Duterte si Mayor Jed Patrick Mabilog kag ginatawag nga drug protector.
Gin-anunsyo man sang presidente nga sayluhon sa Syudad sang Iloilo si Chief Inspector Jovie Espenido nga nagtuga sang kahangawa kag pagkabalaka nga sang ulihi wala man nadayon.
Naglanog man ang balita nga napatay sa operasyon sang kapulisan si Richard Prevendido nga ginakabig nga number 1 nga drug lord sa Western Visayas.
Kon napatay na sadto ang mag-asawa nga Odicta kag karon si Richard Prevendido, ano ang tawag naton sa pag-igsister sang mga drug lord?
Kon may report ang kapulisan nga halos 15 ka mga grupo pa sa idalom ni Prevendido ang naga-igsister, ano ang pagkabig sini sang mga Ilonggo?
Kon may nagasunod pa gid nga persona nga ginatarget ang kapulisan nga imbolbado man sa ilegal nga droga, makabig ayhan sang mga Ilonggo nga sayop ang tinaga nga gingamit sang presidente agud nga bansagan ang Iloilo?
Sa nagakatabu sa atubang sang aton nagamurarat nga mga mata, sang aton nabatian nga mga hitabu, sa mga nabasahan kag nalantawan nga balita, paano ayhan kabigon sang mga Ilonggo ini? Wala bala naton nakita ang pag-igsister sang ilegal nga droga?
Sadto nga nagdata ang baligyaanay sang ilegal nga droga kag madamo sang kuging, diin ang tingog sang mga negosyante? Karon kay apektado ang sulod sang kwarta sa ila kaha, dayon nila pabati sang ila sentimiento?
Dapat nga may mga datus sila nga ipakita nga makakumbinser nga naapektihan ang turismo kag negosyo sang syudad.
Karon lang sila lubos nga natublag sa bansag./PB
[/av_textblock]
[/av_one_full]
