[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Live-in partner sang bata ni Prevendido, tiklo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Arestado ang live-in partner sang bata ni anhing No. 1 drug lord nga si Richard Prevendido alyas Buang matapos nga nabaklan sang ginapasuni shabu sa Barangay Rizal Pala-pala, City Proper.
Ginkilala ini kay Berlie Ann Balagot y Degabe, 21, kag live-in-partner ni John Rey Prevendido nga nadakpan na sadto sa pagduso sang ilegal nga droga.
Sunu sa report sang Police Precinct (PP1) 1, nabaklan si Balagot sang isa ka plastic sachet sang ginasuspetsahan shabu balor P600 sang pulis nga nagserbe nga poseur buyer alas-9:15 sang Miyerkoles sang gab-i.
Narekober dugang sa suspek ang apat ka mga plastic sachets sang ginapasuni shabu subongman ang marked money.
Pero sa interbyu sang mga katapo sang media kay Balagot, ginpanginwala sini nga nagaduso sia sang ilegal nga droga kag sunu pa sa iya nga nakibot lang sia nga ginpalapitan sia sang mga pulis kag gindakop.
Nahunong na karon si Balagot sa karsel sang PP1 kag magapangatubang sang kaso nga pagbayolar sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]