[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ LATIGO GANG NAGBALIK Pamatan-on nga nagalakat dis-oras sang gab-i sa Mandurriao, ginpanglatigo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Liwat nga nagsalakay ang mga persona nga ginapasuni nagapanglatigo sa mga pamatan-on nga nagalagaw sa dis-oras sang kagab-ihon.
Ang ulihi nga insidente natabu sa Barangay San Rafael, Mandurriao alas-dos sang kaagahon kahapon.
Base sa alegasyon sang isa ka grupo sang pamatan-on, nagalakat sila sa dalan para magpadulong kontani sa Brgy. Nabitasan, La Paz sang hinali lang nagdulog ang apat ka mga motorsiklo sakay ang walo ka mga lalaki nga lunsay naka-bonnet.
Ginpamangkot sila sang mga persona kon sa diin sila naga-istar kadungan sang pag-gabot sang latigo kag paghanot sa ila pero maswerte nga wala sila mapurohan. Isa lang sa naigu sang latigo nga amo si Jaryl Siodena, 23, sang Brgy. Gustilo, La Paz, nga gin-alegar naigu sa likod.
Sandig pa sa report nga bangod sang kakulba, madasig nga nagdalagan ang grupo ni Siodena palayo sa lugar para makalikaw sa mga naka-motorsiklo nga mga persona.
Madumdoman nga sadtong tinalikdan nga bulan sang Agusto una nga ginreport ang grupo nga nagapanglatigo sa mga grupo sang pamatan-on nga nagabayolar sa ordinansa sang syudad nga curfew for minors.
Pero siling sadto sang Iloilo City Police Office (ICPO) nga indi pa maathag ang nakuha nila nga impormasyon angut sa grupo partikular sa pag-gamit nila sang latigo agud disiplinahon ang pasaway nga mga pamatan-on.
Nahibaluan nga sakit na naman sang ulo sang kapulisan sa syudad ang pasaway nga mga grupo sang pamatan-on kag nagapati ang ICPO nga makabulig tapna sang gang wars ang istrikto nga pag-implementar sang curfew for minors./PB
[/av_textblock]
[/av_one_full]