[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Naga-agnas nga bangkay nasapwan sa kilid patyo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Yara na sa advance state of decomposition ang nasapwan nga bangkay sang lalaki sa kilid sang patyo sakop sang Barangay Tabucan, Barotac Nuevo, Iloilo alas-cuatro sang hapon kahapon.
Ang wala pa nakilal-an nga nga lalaki nagasuksok sang blue nga t-shirt kag itom nga boxer short.
Sandig sa imbestigasyon ni Chief Insp. Raymond Celoso, hepe sang Barotac Nuevo PNP, ang nakasapo sang bangkay amo ang barangay tanod sang Brgy. Tabucan sang naglawig ini sang kanding malapit sa patyo.
Una nga nakasimhot sang tuman ka baho ang tanod rason nga iya ginpangita ang ginhalinan tubtob nakit-an sini ang bangkay sang lalaki nga naga-agnas na.
Indi pa man matul-id ni Celoso kon ginhal-id sa lugar ang biktima ukon didto mismo ginbawian sang kabuhi. Indi man mahibaluan kon may mga samad ini sa lawas bangod nga nagahabok na.
Samtang ginasulat ining balita, padayun pa ang pag-imbestigar sang Barotac Nuevo PNP para makilala ang bangkay kag mabal-an ang gintunaan sang kamatayon sini./PB
[/av_textblock]
[/av_one_full]