[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’1 patay, 6 pilason sa komosyon sa Passi ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang isa ka persona samtang anum ang pilason lakip na ang isa ka pulis nga nagresponder sa komosyon nga nagluntad sa Dalan F. Palmares Sr., Brgy. Poblacion Ilawod, Syudad sang Passi, Iloilo alas-11:30 sang gab-i sang Miyerkoles.
Ginbawian sang kabuhi samtang ginabulong sa Don Valerio Palmares Sr. Memorial District Hospital ang isa sa tatlo ka ginatudlo mga suspek nga si Jomar Laurizo y Luche sang Brgy. Sibacungan, Lambunao, Iloilo, bangod sang samad tuga sang pagkastigo sa tiyan kag iban nga bahin sang lawas.
Gindala naman sa Iloilo Doctors’ Hospital ang isa sa tatlo ka mga biktima nga si PO2 Chito Aguilario, 34, kasado, sang Brgy. Alimono, Passi kag nadesignar sa Passi City PNP. May patal ini nga pilas sa wala nga dughan tuga sang pagbunu.
Luwas sa pulis, gindala man sa Western Visayas Medical Center ang duha pa ka biktima nga sanday Gregorio Palencia, 26, may pilas sa wala nga butkon tuga sang pagbunu, kag Arnold Palec, 25, may pilas sa wala nga butkon kag wala nga dughan tuga sang pagbunu.
Samtang ang tatlo ka iban pa nga mga suspek nga sanday Jerry Laurizo kag Ermando Laurizo, mga residente sang Brgy. Sibacungan, Lambunao, kag Luther John Palec, 20 sang Dalan Saligumba, Passi, gindala sa Don Valerio Palmares Sr. Memorial District Hospital para madapatan sang pagbulong ang mga bukol kag samad nga naangkon.
Sa imbestigasyon ni PO2 Dennis Palma, imbestigador sang Passi City PNP, naga-inom ang grupo sang mga biktima kag suspek sa Quix Mart sang nagluntad ang komosyon dala sang kahulogbon.
Natabuan man nga yara sa lugar si PO2 Aguilario rason nga nagpalapit sia sa duha ka grupo nga naga-away para nga sawayon ang mga ini.
Pero sunu sa testigo nga si Sherwin Palec, ginbunu ang pulis ni Jerry L. Nakit-an man sini nga ginpangbunu sang mga kaupdanan ni Jerry L. sanday G. Palencia kag A. Palec.
Nag-untat lang ang komosyon sang nag-inabot na ang iban nga mga pulis nga amo ang nagbulig dala sa mga biktima kag suspek sa mga ospital.
Nakuhaan pa nila si Jerry L. sang duha ka heat-sealed plastic sachets sang ginasuni shabu.
Samtang narekober man sang kapulisan sa ginluntaran sang krimen ang 10 pulgada nga patalom nga gingamit sang mga suspek./PB
[/av_textblock]
[/av_one_full]