[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Campeon sang Hiligaynon ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Peter Solis Nery
[/av_heading]
[av_textblock size=” font_color=” color=”]
HUBLAS, CATORCE
Bag-u nangin Panay Balita ini nga pamantalaan sadtong Octubre sang nagligad nga tuig, trece años ini nga nakilala bilang Hublas nga Kamatuoran, isa ka vision sang mga tagdumala kag tag-iya sang Panay News nga magadala kag magatib-ung sang kamatuoran sa patag sang imprenta para sa mga Ilonggo, kag mga bumalasa sang Hiligaynon.
Karon, sa ikacatorce nga tuig sang Hublas, sa pagsugud sang ikaduha nga tuig sang ngalan nga Panay Balita, ginapabugal sang tagdumalahan kag mga katapu sang pamantalaan ang napulug-apat ka tuig nga pagpangalagad nga mapun-an sang katampad, kabaskug, credibilidad, kag kusug.
Bilang campeon kag tagapangapin sang pulong Hiligaynon, ginapabugal ko man nga mangin kabahin sini nga maragtas. Ang akon column nga nagsugud man sang nagligad nga tuig, padayun nga nagadulut sa inyo sang akon panulatan nga nagapaambit sang akon ginapanan-aw nga pagrebuk, ukon ang akon ginatawag nga Hiligaynon Revolution, nga akon ginsuguran sadtong Junio 12, 2014.
Sining ulihi, sa akon pagduaw kag pagvisita sa Pilipinas sadtong Agosto kag Septiembre, ilabi na gid sa Iloilo, Negros, kag South Cotabato, liwat nga nahambalan ang akon ginapanugyan nga pagtib-ung kag pagtikwang sang aton pulong Hiligaynon para sa makabag-u nga panahon.
Gikan sa akon mga radio kag TV interviews, kag sa akon mga paghinun-anon sa mga bag-u nga manunulat kag nagagamit sang pulong, nakita ko, firsthand, kon paano ginakaluyagan kag ginafavoran sang mga tawo ang akon mga idea para sa Hiligaynon.
Kay sa pagkamatuud, ngaa gid man indi naton pagpasangkarun ang aton alfabeto halin sa 20 pakadtu sa 28 agud mapasakup ang mga letra nga c, f, j, ñ, q, v, x, z?
Ano ang nagapugung sa aton? Kon ang alfabeto Filipino may 28 na ka letras, ngaa mapabilin kita sa 20? Ano kita, kubus? Pegado, imul?
Ngaa mapabilin kita sa 20 ka letras kag dayun maghimu sang madamu nga exceptions to the rule? Ngaa indi na lang mag-obra sang bag-u nga rule kag himuun nga 28 letters ang aton alfabeto?
Kon ang ngalan mo Delfa Querubin, kag nagapuyu ikaw sa Barotac Viejo, paano mo isulat ang imo ngalan kag address kon 20 lang ka letra ang alfabeto Hiligaynon? Ti, luyag mo mangin exception to the rule?
Kag paano na lang ang tanan nga makabag-u nga butang? Ang “boxing,” “cellphone,” “computer,” “xerox?” Luyag bala ninyo magbasa sang sinulatan nga punu sang quotation marks bangud kay hulam ang mga tinaga nga ini?
O, luyag ninyo tawgun nga minangu kag binuki ang aton pulong bangud indi kita makahibalu magspell o magbatubatu? Tungud kon sundun ang mga wala-pulus nga nagapatuman sang 20 ka letra, boksing kuno, selpun, kompyuter, kag seroks. Ti, indi bala, claro nga minangu kag hinangag? Daw abno, daw retarded ang nagaspell.
Klaro o claro? Kerida o querida? Kusina o cocina?
Ti, bahala ka kon magminangu ka, o magpanumdum nga nagagamit sang utuk-Indio kag mal educado. Apang ako, may dugo nga Castilla, may dugong Español. Kag maalam ako, kabalu ako magspell bisan English, bisan Spanish, bisan French.
Anhun ang mga letra c kag q kon indi paggamitun sa claro, cocina, kag querida?
Amu nga global Hiligaynon ang akon ginatib-ung. Hiligaynon para sa mga tawo nga nagapanglugayawan sa bug-us nga kalibutan. Indi binuki kag minangu nga Hiligaynon nga kubus kag wala tinun-an, nga kulang sa mga letra kag nahigut sa dinumaan nga 20 letras.
Amu man nga sa ikacatorce sang Hublas, sining Panay Balita, padayun ako nga kaupud ninyo. Padayun nga inyo Campeon sang Hiligaynon. Kag padayun nga revolucionario para sa aton pulong!
Happy 14th anniversary, Hublas. Happy anniversary, Panay Balita!/PB
[/av_textblock]
[/av_one_full]
