[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Saturday. September 30, 2017
[/av_textblock]
[av_textblock size=’18’ font_color=” color=”]
SA NAKALIGAD nga semana sang nagtupa ang ulan, madasig nga nagtaas ang tubig sa pila ka bahin sang syudad.
Bisan ang mga lugar nga sang una wala ginabaha subong madalum na ang tubig. Klaro nga wala sang iligan ang tubig bangud mahimo nga guba ang mga kanal ukon puno sang basura.
Madasig kita nga magpakamalaot sa aton gobyerno. Kesyo wala ginahimo ang katungdanan. Mga pabaya kag wala sang hinimuan kundi mangawat sa kaban sang banwa.
Pero dali lang, ikaw nga nagakundinar sa gobyerno matinlo ka man bala? Paano naman ang disposal mo sang basura? Naga-segregate ka bala sang imo basura?
Sa padayun nga declogging sang mga kanal, nakita nga puno ini sang basura kaangay sang plasic, botelya, kahoy kag iban pa nga basura nga indi madunot. Sin-o ang nagahaboy sina dira? Ang gobyerno ukon ikaw?
Sa mga merkado sang syudad, ang mga kanal puno man sang basura. Bisan wala sang ulan ang sulod sang merkado nagabaha na.
Kun ang mga barangay naman ang bisitahan, ano ang makita sa mga kanal? Lunsay basura. Pamatuod ini nga ang mga tawo balingag gid sang utok kag nagapatumbaya sang ila palibot. Sila mismo ang nagaguba sang palibot. Sila ang nagtuga sang pagbaha.
Karon sila na ang nagapatubas, sila pa ang maakig. Matuod katungdanan sang gobyerno nga magpatindog sang mga infrastructures para sa kaayuhan sang publiko. Pero katungdanan man sang publiko nga mangin responsible nga pumuluyo kag amligan ini nga mga proyekto.
Maathag nga sarampagak ang batasan sang kadam-an. Tan-awa kun ano ang ila ginahimo sa Iloilo Esplanade. Ginakawat ang mga salsalon sa pulungkuan, bombilya sang mga suga kag ginahaboy bisan diin lang ang basura. Sulompaan nga batasan.
Antes kita kuntani mag-demand sa gobyerno, dumdumon man naton nga may katungdanan kita sa aton sosyodad. Indi lang kita mangin salaguron sang gobyerno.
Kada isa sa atun may salabton kun ano man ang matabu sa aton palibot. Ang batasan nga mapatinumbayaon amo ang kabangdanan sang aton mga pag-antos subong.
May salabton ka, gani indi ka na magpangbasol pa! (jpranco1975@gmail.com/PN)
[/av_textblock]
[/av_one_full]
