[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ANG HARI SANG KUOT Una nga bahin’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
Tagalog ang tinaga nga “hugot.” Kon ako ang palubarun sini sa Hiligaynon, gamitun ko ang tinaga nga “kuot” o “kinuut.”
Ano bala ang hugot? Para sa akon, ang hugot amo ang mga balatyagon, o expression sang mga balatyagon kag emocion, nga halin sa pinakaidadalman sang pagkatawo.
Ina balang mga balatyagon nga ginapakatagutagu naton kay ayhan nahuya kita nga ipahibalu ini sa iban.
Ina balang mga balatyagon nga kon mapunu na gani kita, daw volcan nga nagawarasaag, nagalupuk.
Kag nagatuga sang mga tinaga kag dinalan nga mainit, nagapangpasu, nagatandug sang balatyagon sang iban.
Ti, indi bala ang hugot daw kinuut nga tinagong balatyagon gid man?
Gani, para sa akon, ang hugot, kuot o kinuut.
*
Nahuya man ako nga coronahan ang akon kaugalingon bilang Hari sang Hugot.
Gani, ari, akon ipaambit sa inyo ang akon mga pinakabag-u nga mga kuot. Kamo na ang magpamat-ud kon bala nagakaigu man ako tawgun kag bansagan nga “Hari sang Kuot” o “Hari sang Hugot Ilonggo” kasubong sang tawag nila sa akon sa Facebook.
Kasubong sang naandan ko na, ginapabay-an ko na lang nga ang akon mga inobrahan amu mismo ang magpamatuud sang akon pagkasampatun sa pagsulat, kinuut man ukon indi.
*
Septiembre 10 ko ginsulat ang una nga kuot bilang kinuut, o may paghangup sang ginatawag nga hugot.
I’m sure madamu na sang hugot sa mga daan ko nga sinulatan, ilabi na sa mga three-liners nga binalaybay nga ginbalhag man diri sa Panay Balita.
Apang sang Septiembre 10, sang nakabalik na ako sa America gikan sa tatlo ka semana nga pagvisita sa Pilipinas, namat-ud ako nga magdihun sang mga hugot kag ipaambit ini sa akon Facebook.
Ini ang pinakauna nga kuot nga akon ginhimu:
“Sigue, yuhumyuhumi
Kag labaylabayi lang
Ako subung,
Buas, ikaw naman
Ang makinamkiman
Sa akon.”
Nakaagum ini sang 160 likes kag iban pa nga strong reactions, siyam ka shares, kag walo ka comments (wala labut sang akon mga replies) sa Facebook. Gani, daw gin-ganahan man ako nga padayunun ang pagbalay sang mga kuot.
*
Indi tanan nga kuot, may aslum, kagat, kapait ukon kakahang. Ang ikaduha ko nga kuot, 99 likes and reactions lang, one share, two comments. Medio philosophical abi. Kinahanglan analysis para mahangpan. Haha!
“Kon matudluan lang
Ang tagipusuon,
First honor man
Kuntani ako.”
*
Ang ikatatlo nga kuot, 108 likes and reactions, 3 shares, kag 9 comments:
“Paano ko ikaw
Pakamalainun?
Palangga ko ikaw.
Ginsugid ko lang
Ang kamatuoran
Nga mangu ka
Kon magpalangga
Sa akon.”
*
172 likes, 16 comments, kag 7 shares ang ikaapat nga kuot:
“Wala ko man ginapangamuyu
Nga magbulagay kamo;
Apang kon bayaan ka n’ya,
Ari lang ako.”/PB
[/av_textblock]
[/av_one_full]
