[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MAGBAYAW NAGLAB-ANAY ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Lunsay gindala sa ospital ang magbayaw matapos nga naglab-anay sa Barangay Poblacion, San Rafael, Iloilo sadtong Huwebes sang gab-i.
Ginabulong pa subong sa Sara District Hospital sanday Roger Blaza, 50, nakaagom sang mga pilas sa likod, abaga, kamot, kag paa kag si Jobert Barrios, 38, nga nasamaran naman sa ulo, abaga kag wala nga kamot.
Sandig sa inisyal nga imbetigasyon sang San Rafael PNP, yara sa sulod sang iya balay si Barrios sang ginsudlan ni Blaza nga may bitbit nga espading kag basta na lang nga ginlabu sang makatatlo ka beses.
Pero naagaw ni Barrios ang espading kag ginlabu man si Blaza sa nanuhay-tuhay nga bahin sang lawas sini.
Dugang pa sang San Rafael PNP nga sang nakit-an sang 11-anyos nga bata ni Barrios ang paglabu sang amay sa iya tiyo, madasig ini nga naghakos kay Blaza rason nga naigu man sia sang espading. Napilasan ang bata sa kamot rason nga gindala man sa nasambit nga ospital.
Personal nga hiligut-anon naman ang isa sa ginatudlo nga motibo sang San Rafael PNP sa natabu./PB
[/av_textblock]
[/av_one_full]
