[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ukay-ukay sa Mandurriao plaza pahalinon ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ang mga baligyaan sang ukay-ukay sa sulod sang plaza sa distrito sang Mandurriao ang sunod nga iga-demolish sang Task Force on Anti-squatting and Illegal Structures (TF Asis).
Kasunod ini sang paandam ni Iloilo City acting mayor Joe Espinosa III sa mga tag-iya sang ukay-ukay sa Mandurriao nga sunod sila nga pahalinon bangod nga “unfair” ini sa mga nagbaligya sang ukay-ukay sa Jaro plaza nga ginpahalin sang Biyernes sang hapon.
Gusto ni Espinosa nga ipatuman sang patas ang pagsulondan kon sa diin indi na pagpahanugotan ang ukay-ukay sa sulod sang plaza.
“Basta ara sa mga plaza, wala na ukay-ukay,” anunsyo ni Espinosa sa mga reporters matapos ang flag ceremony sang city hall kahapon sang aga.
Matandaan nga nagpagwa si Espinosa sang executive order sadtong Biyernes nga nagamando nga i-demolish sang Task Force Asis ang ukay-ukay sa plaza sang Jaro matapos nga na-obserbahan niya nga 80 por ciento sang mga stalls ang gina-akupar sang ukay-ukay sang nag-inspeksyon sia didto sadtong Huwebes sang hapon.
Ginhambal man sini ang pag-demolish sa mga stalls sa Mandurriao plaza matapos ang pagsapol niya kahapon sa mga katapo sang Sangguniang Panlungsod (SP) kag department heads sang city hall.
“Kung ako sa ila, panghimos na daan,” panugyan pa sini sa mga tag-iya sang ukay-ukay.
Gin-aku man ni Espinosa nga naka-isyu na sia sang executive order nga nagadesignar sa presidente sang Association of Barangay Captains – Mandurriao nga si Sergio Causing nga dumalahan ang aktibidad sa plaza may labot sa tuigan nga kapistahan apang natukiban niya nga ginpakontrata sang kapitan sa iban nga mga persona.
“General rule, kon ara sa imo, ti ikaw eh pero kung kaisa administrative style man na sang isa kag isa. Administratively, if it is allowable then it is okay…basta allowable…maski pagpatindog ta ni sang city hall may mga sub-contractors. Basta allowable lang, okay lang pero kon indi, it is not okay,” eksplikar pa sang acting mayor./PB
[/av_textblock]
[/av_one_full]
