[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Malones, indi magsaylo sa PDP-Laban ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Wala na sang handum nga magsaylo ukon magsumpa sa bisan ano nga partido si Mayor Mariano Malones sang Maasin, Iloilo.
Ang reaksyon sang alkalde kasunod sang ginpahayag ni Gobernador Arthur Defensor Sr. nga mahimu na nga makasumpa sa Partido Demokratiko Pilipino–Lakas ng Bayan (PDP-Laban) ang mga alkalde sa probinsya nga ginhingadlan sadto ni Presidente Rodrigo Duterte nga narco-politicians bangod sang gina-alegar pagprotehir sa mga durogista.
Sunu kay Malones nga matapos na ang iya termino sa maabot nga 2019 kag nakapoy na sia nga magserbisyo sa iya banwa rason nga mapahuway na sia sa politika.
Bangod man sini, wala sang rason nga magsaylo pa sia sa iban nga partido ilabi na sa PDP-Laban nga partido ni Duterte.
Pero gin-athag sang alkalde nga nalipay sia sa ginhambal sang gobernador nga puede na sia makaupod kanday Mayor Alex Centena sang Calinog kag Mayor Siegfredo Betita sang Carles sa PDP-Laban.
Ginapamangkot ugaling ni Malones kon ano ang kasigurohan nga indi na sia paghingadlan ni Duterte kon makasumpa na sia sa PDP-Laban kag ini ang kabangdanan kon ngaa indi sia gusto magsumpa sa partido bangod nga posible nga mahuy-an sia.
Sa bahin ni Centena, nag-ayo ini sa gobernador nga hatagan sang kasulatan gikan kay House Speaker Pantaleon Alvarez ukon sa Department of Interior and Local Government nga nagapahayag nga “cleared” na sia gikan sa alegasyon nga protektor sang drug lord.
Kondisyon niya ini sa gobernador para mag-upod sa pagsumpa sang mga alkalde, bise alkalde, kag konsehales sa tercier distrito sa PDP-Laban sa maabot nga Nobyimbre 23.
Sunu kay Centena, nakahanda sia nga mag-upod sa partido sang administrasyon pero kinahanglan nga may gina-uyatan sia nga kasulatan para may ipakita sia nga prueba nga wala sang kamatuoran ang alegasyon sang presidente kontra sa iya./PB
[/av_textblock]
[/av_one_full]