[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ SUV vs pader: 2 pilason ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginpangdala sa ospital ang duha ka pasahero sang SUV nga Honda CR-V matapos nga nakabunggo sila sa pader sang balay sa Barangay Agcuyawan Calsada, Barotac Nuevo, Iloilo mga alas-10:50 sang Huwebes sang gab-i.
Ginbuloligan dala sang mga residente sa Don Jose Monfort Memorial Medical Center sa Barotac Nuevo sanday Febe McDonald y Dema-ala, 46, kasado kag residente sang Barangay Cali, Dumangas, Iloilo, kag Ariel Larroza y Salvador, 37, kasado kag residente sang Barangay Lapayon, Leganes, Iloilo. May mga minor sila nga kapilasan kag nagpalanakit ang kalawasan.
Sandig sa imbestigasyon sang Barotac Nuevo PNP, naga-usoy ang mga biktima sang dalan halin sa Brgy. Palaciawan, Barotac Nuevo para magpauli na sa Dumangas. Pero pag-abot sa national highway sakop sang Barangay Agcuyawan Calsada, gulpi lamang naglupok ang wala nga rueda sa unahan sang SUV nga ginamaneho ni Arnel Devera, 29, kasado kag residente sang Barangay Jardin, Dumangas, rason nga wala na sini nakontrol ang manibela tubtob nga nakabunggo sila sa pader sang balay ni Irma Baylon.
Bangod man sang aksidente, nagbaliskad gid sa dalan ang Honda CR-V kabangdanan nga halos indi na ini mapuslan, sunu pa sa Barotac Nuevo PNP./PB
[/av_textblock]
[/av_one_full]
