[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PISTON-Panay: Transport strike indi parte sang ‘destabilization’ ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginkadlawan lang sang Pinag-isang Samahan ng mga Tsuper at Opereytor Nationwide (PISTON) – Panay ang isyu nga kabahin sang destabilization plot kontra sa administrasyon ni Presidente Rodrigo Duterte ang ila protest caravan kag transport strike.
Ginsiling man ni PISTON-Panay president Edgar Salarda nga ang akusasyon ni Land Transportation Franchising and Regulatory Board (LTFRB) board member Aileen Lizada kag sang LTFRB 6 indi matuod kag “unfair.”
Sa pagkamatuod, dugang niya, ang transport group pa gani ang gina-destabilize bangod sa polisiya sang gobyerno kontra sa mga drayber.
“Kami ya dugay na nga na-destabilize ang amon palangahubian bangod sang plano nga pagpatuman sang phase out kag iban pa nga kontra-driver/pumoluyo nga mga policy,” siling ni Salarda sa Panay Balita.
Nahibaluan nga wala man nag-upod kahapon ang PISTON-Panay kag siam ka mga asosasyon sa idalom sang ila grupo sa una nga adlaw sang nationwide transport strike pero naghiwat naman sila sang protest caravan kahapon. Kabilugan nga 18 ka de-pasahero nga mga dyep ang nagpasakop diri.
Pamaagi nila ini sang pagkontra sa modernization program, wala untat nga pagsaka sang presyo sang petrolyo, pagpatuman sang excise tax sa Enero, kag Joint Administrative Order sang Land Transportation Office.
WALA DAKU NGA RALLY
Sa pihak nga bahin, wala sang daku nga rally nga narekord ang Police Regional office (PRO) 6 sa una nga adlaw sang transport strike kahapon.
Sa ginpadala nga mensahe sa media ni Supt. Gilbert Gorero, tagpamaba sang PRO-6, wala sila sang narekord nga daku nga rally sa mga probinsya sang Aklan, Antique, Capiz, Guimaras, Iloilo, kag Negros Occidental.
Ang isahanon nga rally nga ila narekord yara sa Syudad sang Bacolod nga ginpasakopan sang indi magnubo 100 ka mga miembro sang KADAMAY sa pagpanguna ni Diego Malacad para i-panawagan ang pagpanubo sang presyo sang produkto nga petrolyo kag pagpasaka sang sweldo sang mga trabahador sa katubohan. Nagtakop ang ila matawhay nga rally alas-cuatro sang hapon kahapon./PB
[/av_textblock]
[/av_one_full]