[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Shabu, granada nakumpiskar sa balay sa Zarraga ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Naglab-ot sa 13 ka mga plastic sachets sang ginapatihan shabu, mga pusil, duha ka granada, kag mga bala ang nakumpiskar sa gin-raid nga balay sa Barangay Sambag, Zarraga, Iloilo alas-6:05 sang Lunes sang gab-i.
Ginkilala ang subject sa operasyon nga si Joel Bacanto y Borbon pero nakapalagyo ini sang namutikan nga nagapadulong ang puersa sang Zarraga PNP.
Nahibaluan sang Panay Balita nga nagpadulong ang puersa ni Senior Insp. Robert Jason Pancha, hepe sang Zarraga PNP, sa balay ni Bacanto para i-serbe ang search warrant sa pagbayolar sang RA 10591 kag RA 9165 nga ginpagwa ni Hon. Ma. Theresa Enriquez-Gaspar.
Luwas sa ginapasuni shabu, ang iban pa nga nakumpiskar sang Zarraga PNP sa balay ni Bacanto amo ang:
- isa ka unit sang colt. 45 pistol nga may magazine kag lima ka bala;
-
duha ka unit sang long barrel homemade shotgun nga may magazine kag anum ka mga bala;
-
isa ka unit sang .38 revolver nga may tatlo ka mga bala;
-
isa ka unit sang 5.56 revolver nga may apat ka mga bala;
-
isa ka unit sang shot homemade shotgun;
-
duha ka fragmentation grenade,
-
itom nga sling bag; kag
-
identification sang permit to carry firearms.
Sunu kay Pancha nga nakabaton sila sang impormasyon nga si Bacanto ang gina-alegar nadalahig sa pagbaligya sang pusil kag nadalahig man sa ilegal nga droga rason nga gin-aplayan nila sang search warrant sa korte.
Samtang ginasulat ini nga balita, ang narekober nga mga kontrabando yara sa paghinakop sang Zarraga PNP para magserbe nga ebidensya kontra sa kaso nga ipasaka batok kay Bacanto./PB
[/av_textblock]
[/av_one_full]