[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Balay sang bilas ni Mayor Cordero gin-raid ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginsalakay sang mga pulis ang balay sang bilas ni Estancia Mayor Rene Cordero sa Barangay Aspera, Sara, Iloilo kahapon sang aga paagi sa gahum sang search warrant.
Ang subject sa operasyon nakilala nga si Frank George Sanson alyas Jojo nga naga-obra bilang port manager sang Feeder Port sa Estancia, Iloilo. Nahibaluan pa nga mag-utod ang asawa ni Sanson kag asawa ni Cordero.
Sunu kay Chief Insp. Charlie Sustento, hepe sang Ajuy PNP kag supervisor sang Provincial Special Operations Group, nag-apply sila sa korte sang search warrant para sa pagbayolar sang RA 10591 ukon Comprehensive Firearms and Ammunition Regulation Act matapos nakabaton sang impormasyon nga nagahupot si Sanson sang duha ka shot gun, duha ka .45 caliber pistol, isa ka 9MM, kag madamo nga mga bala.
Pero dimalas nga wala nila maabtan ang subject sa balay sini. Ang nag-atubang lang sa grupo ni Sustento amo ang bata ni Sanson kag caretaker sang balay.
Sa pag-usisa sang mga pulis sa balay, wala sila sang narekober nga pusil kag bala.
Apisar sini, nagalaum si Sustento nga magserbe nga warning sa iban nga mga grupo ang ila pag-raid sa balay ni Sanson kadungan sang paghinyo nga i-sungka na lang ang ila mga pusil.
Matandaan nga si Sanson ang gina-alegar sang Police Regional Office 6 nga kabahin sang goons nga gingamit ni Cordero sadtong nagligad nga eleksyon nga hugot naman nga ginpangiwala sang alkalde.
Sa interbyu naman sang mga katapo sang media kay Cordero, gin-aku sini nga bilas niya si Sanson nga naga-obra sa Estancia.
Pero gindepensahan sini ang bilas gikan sa mga akusasyon sa paghambal nga maayo ini nga tawo kag wala sang labot sa Balume Criminal Gang./PB
[/av_textblock]
[/av_one_full]
