[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 patay sa aksidente sa motor ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Thursday, October 26, 2017
[/av_textblock]
[av_textblock size=” font_color=” color=”]
Syudad sang BACOLOD – Ginbawian sang kabuhi ang duha ka persona sa separado nga aksidente sang motorsiklo sa Syudad sang Cadiz kag banwa sang Ilog sa Negros Occidental sang Martes.
Sa Syudad sang Cadiz, ang biktima ginkilala nga si Joemar Putoges, 42, may asawa kag naga-istar sa Hacienda Elenita sakop sang Brgy. Luna.
Samtang sakay sa iya motorsiklo sang Martes sang udto, ginapasuni nga nang-agaw si Putoges sang linya sang isa ka salakyan nga sakay ang mga estudyante sang Toboso National High School nga ma-field trip sa Syudad sang Bacolod.
Bangod sini, nalapakan kag natumba ang biktima nga nagresulta sang iya mga pilas sa ulo kag lawas. Dali-dali pa sia nga gindala sa Cadiz District Hospital apang ginlawag patay antes pa man mabulong.
Nagsungka man dayon sa pulis ang drayber sang salakyan nga si Diolito Cabanyog sang Brgy. Talusan, Syudad sang Sagay.
Pagkagab-i naman, isa pa ka aksidente ang nagluntad sa Crossing Calubang sa Brgy. Dancalan, Ilog.
Ginkilala ang biktima nga si Ramil Padilla, 38, may asawa kag taga-Crossing Mo-og, Brgy. Vista Alegre sang amo nga banwa.
Nagasakay ini sa iya motorsiklo sang nag-overtake sa isa man ka salakyan kag didto na-alang-alang kag nagbunggo sa sugata nga motorsiklo nga ginamaneho ni Aljun Pagapulan, 27, sang Brgy. Banga, Candoni.
Ang angkas ni Padilla nga si Godofredo Paloma Cuenca napilasan naman subongman si Pagapulan kag angkas sini nga si Raffy Gamboa.
Ginpadangat ang apat sa Lorenzo Zayco District Hospital sa Syudad sang Kabankalan apang si Padilla napatay antes pa man madapatan sang pagbulong./PB
[/av_textblock]
[/av_one_full]
