[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’TMTRO may traffic re-routing sa Pista Minatay ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=’18’ font_color=” color=”]
Syudad sang ILOILO – Para magiyahan ang mga motorista nga mapadulong sa syudad sa Nobyimbre 1 kag 2 kadungan sang Pista Minatay kag Todos Los Santos, ang Transportation Management and Traffic Regulation Office (TMTRO) naghibalo na parte sa traffic re-routing.
Masugod man ang Task Force Asis sa paghawan sa mga dalan pakadto sa pangpubliko kag pribado nga mga patyo subong nga adlaw.
Sunu kay Jeck Conlu, head sang Public Safety and Transportation Office, kakason sang task force ang mga illegal structures nga naga-upang kag makapagutok sa dalan tion sang pagdugok sang mga tawo sa patyo.
Samtang ang mga salakyan naman gikan sa City Proper nga nagalabay sa Tanza Cemetery ginpanugyan nga maglabay sa Dalan Ledesma padulong sa Tanza-West Avenue samtang ang mahalin sa Timawa Avenue, Dalan Gen. Luna kag Dalan MH Del Pilar kag mapadulong sa Tanza ukon Chinese cemeteries ang malabay anay sa Dalan Infante kag Delgado.
Ang mga salakyan nga makadto sa Tanza Aglipay Cemetery magalabay naman sa Dalan Lopez Jaena padulong sa Tanza Timawa.
Ang halin sa Dalan Lopez Jaena, Molo padulong sa Tanza kag mga patyo sang Aglipay kag Chinese ang maagi sa Dalan Lopez Jaena kag maliko sa wala padulong sa Rizal kag magdiretso na sa ila kaladtoan.
Ang mga dyep gikan sa mga banwa halin sa Molo kag B. Aquino Avenue nga mapa-City Proper magalabay sa Infante Avenue padulong sa Dalan Delgado kag maliko sa Dalan Jalandoni padulong sa Iloilo Terminal Market. Sa pagbalik halin sa Super, maglabay sila sa Dalan Fuentes kag maliko sa Dalan Ledesma diretso sa Dalan Jalandoni lapus sa Dalan Delgado padulong sa Dalan Infante Avenue.
Samtang ginadumilian naman ang mga traysikad nga maglabay sa mga dalan sang Ledesma, Tanza Timawa Zone I, kag Delgado.
Ang mga salakyan naman nga makadto sa Jaro Public Cemetery magalabay sa Dalan EL 98 padulong sa Brgy. Cuartero. Ang mapadulong sa Mandurriao Cemetery, Forest Lake, The Sanctuary nga nahamtang sa Dalan Oñate kag Dalan Calajunan malabay sa Dalan Rizal kag Mandurriao plaza padulong sa Brgy. Oñate kag Calajunan.
Sa mga salakyan nga mapa-Molo cemetery, dapat sila maglabay sa Dalan Lopez Jaena padulong sa Dalan MH Del Pilar samtang ang mapadulong sa Arevalo Cemetery maga-agi sa Yulo drive.
Kag ang tanan nga mga dyep nga may rota Villa Baybay halin sa Dalan Quezon kag Bonifacio padulong sa Sto. Niño ang maga-agi sa Dalan Sta. Cruz kag Sto. Niño Sur padulong na sa Breakthrough./PB
[/av_textblock]
[/av_one_full]