[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sugal, ilimnon kag hinganiban ginadumili sa patyo ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=’18’ font_color=” color=”]
Syudad sang ILOILO – Hugot nga ginadumili sang Police Regional Office (PRO) 6 ang pagsugal kag pagdala sang makahulobog nga ilimnon kag hinganiban kaangay sang patalom kag pusil sa sulod sang patyo tion sang Pista Minatay sa bug-os nga rehiyon 6.
Sunu kay Supt. Gilberto Gorero, tagpamaba sang PRO-6, pangkumpiskaron nila ang mga baraha, patalom, pusil, ilimnon, kag iban pa nga kontrabando nga makita nga dala sang magabisita sa patyo sa Pista Minatay sa Nobyimbre 1 tubtob Nobyimbre 2.
Tuyo sining tikang sang PRO-6 nga masiguro nga wala sang gamo ukon insidente nga matabu samtang ginadumdom sang publiko ang Pista Minatay.
Luwas sini, mapalapta man sugod bwas ang Iloilo City Police Office (ICPO) sang mga pulis sa palibot sang mga patyo sa syudad para magbantay sa seguridad sang mga pumoluyo nga mabisita sa ila nagtaliwan nga mga pinalangga sa kabuhi.
Sunu kay Senior Insp. Shella Mae Sangrines, tagpamaba sang ICPO, ginsugoran nila ang temprano ang pagpalapta sang mga pulis bangod nga may pila ka mga pumoluyo nga mas temprano nga nagabisita sa mga lulobngan sang ila mga himata para makalikaw sa pag-ginutok sang mga tawo sa Nobyimbre 1.
Mabutang man ang ICPO sang police assistance hub sa mga simbahan kag patyo para mag-assist sa mga pumoluyo nga mangayo sang bulig.
Kaupod naman sang mga pulis sa mga assistance hub ang mga volunteers sang Red Cross, Iloilo City Emergency Responders, Bureau of Fire Protection, kag barangay tanod./PB
[/av_textblock]
[/av_one_full]